இன்று ஓரியூர் புனித அருளானந்தர் ஆலய தேர் பவனி

திருவாடானை அருகே பிரசித்தி பெற்ற புனித அருளானந்தர் ஆலயத்தில், ஆரோக்கிய அன்னை பிறப்பு விழா தேர் பவனி வெள்ளிக்கிழமை மாலை நடைபெறுகிறது.
    இந்த ஆலயத்தில் ஆண்டுதோறும் ஆகஸ்ட், செப்டம்பர் மாதங்களில் ஆரோக்கிய அன்னை பிறப்பு விழா நடைபெறுவது வழக்கம். இந்தாண்டு கடந்த ஆகஸ்ட் 29 ஆம் தேதி கொடியேற்றத்துடன் விழா தொடங்கியது. தொடர்ந்து 10 நாள்கள் நடைபெறும் திருவிழாவில், தினமும் சிறப்பு திருப்பலியும், ஆராதனைகளும், மந்திரிப்பு நிகழச்சியும் நடைபெற்றன.      விழாவின் முக்கிய நிகழ்ச்சியான தேர்ப் பவனி வெள்ளிக்கிழமை மாலை 6.30 மணிக்கு நடைபெறுகிறது. அதைத் தொடர்ந்து, சிறப்பு  திருப்பலியும், ஆராதனைகளும் நடைபெறுகின்றன.     விழாவுக்கான ஏற்பாடுகளை, ஓரியூர் பங்குத் தந்தை ஜோசப் மைக்கேல், பங்கு பணியாளர் ஸ்டீபன் ராபர்ட், பங்குத் தந்தை மாசில்லா மணி மற்றும் கிராமத்தார்கள் செய்து வருகினறனர்.