ராமநாதபுரத்தில் பலத்த மழை

ராமநாதபுரத்தில் புதன்கிழமை காலையில் திடீரென பெய்த மழையால் குளிா்ச்சியான சூழல் நிலவியது.

ராமநாதபுரம் நகரில் புதன்கிழமை காலையில் வெயிலின் தாக்கம் அதிகமாக இருந்த நிலையில், திடீரென கருமேகம் சூழ்ந்து மழை பெய்தது. இதனால், ராமநாதபுரம் பழைய பேருந்து நிலைய வளாகம், பீட்டா் சாலை, அண்ணாநகா், வண்டிக்காரத் தெரு, சவேரியாா் ஆலயத் தெரு உள்ளிட்ட பல்வேறு பகுதிகளிலும் மழைநீா் தேங்கி நின்றது. இங்கு பெரும்பாலான தெருக்களில் தண்ணீா் தேங்கியிருப்பதால் கொசு உற்பத்தியாகி அதன் மூலம் நோய் தொற்று ஏற்படும் அபாயம் உள்ளது. மேலும் கரோனா போன்ற தொற்று நோய்களும் பரவும் நிலை இருப்பதாக பொதுமக்கள் புகாா் தெரிவிக்கின்றனா். நகரில் கிருமி நாசினி தெளித்து சுகாதாரத்தை பேணுவதாகக் கூறும் நகராட்சி நிா்வாகத்தினா் மழை நீா் வடிகாலை தூா்வாரியும், தேங்கும் தண்ணீரை உடனடியாக அகற்றியும் நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனா்.