ராமநாதபுரம் மாவட்டத்தில் தனிமைப்படுத்தலை நிறைவு செய்த 4,777 போ்

வெளிநாடுகளிலிருந்து ராமநாதபுரம் மாவட்டத்துக்கு திரும்பி வந்த 4,777 பேரும் தங்கள் 28 நாள்கள் தனிமைப்படுத்தலை புதன்கிழமை நிறைவு செய்தனா்.

மாவட்டத்தில் பரமக்குடி, தொண்டி, ராமநாதபுரம் நகா், கீழக்கரை, கடலாடி, முதுகுளத்தூா், கமுதி உள்ளிட்ட பகுதிகளில் இருந்து மொத்தம் 4,777 போ் வெளிநாடு சென்று திரும்பி வந்தது தெரியவந்தது. அவா்கள் அனைவரும் 28 நாள்கள் அவரவா் வீடுகளிலேயே தனிமைப்படுத்தப்பட்டனா். அவா்களது வீடுகளைச் சுற்றிலும் பிளீச்சிங் பவுடா் தெளிக்கப்பட்டது. தினந்தோறும் அவா்களுக்கு கரோனா பரிசோதனையும் நடந்தது. கட்டுப்பாட்டு அறை மூலம் தொடா்ந்து அவா்கள் கண்காணிக்கப்பட்டனா். இந்நிலையில், தற்போது வெளிநாட்டிலிருந்து திரும்பிய அனைவருமே 28 நாள்கள் தனிமைப்படுத்தலை நிறைவு செய்துள்ளதாக மாவட்ட சுகாதாரத்துறை அதிகாரிகள் தெரிவித்தனா். அவா்கள் மூலம் கரோனா பரவல் இல்லை என உறுதிப்படுத்தப்பட்டதாகவும் அதிகாரிகள் கூறினா்.