ராமநாதபுரம், சிவகங்கை மாவட்டங்களில் 11 பேருக்கு கரோனா

ராமநாதபுரம், சிவகங்கை மாவட்டங்களில் 11 பேருக்கு கரோனா பாதிப்பு இருப்பது ஞாயிற்றுக்கிழமை உறுதிப்படுத்தப்பட்டது.

ராமநாதபுரம் மாவட்டத்தில் கடந்த ஏப்ரல் முதல் டிச. 5 ஆம் தேதி வரை 6,240 போ் கரோனா தொற்றால் பாதிக்கப்பட்டனா். இதில், 6,100 போ் குணமடைந்து வீடுகளுக்கு திரும்பிவிட்ட நிலையில், 133 போ் சிகிச்சைப் பலனின்றி உயிரிழந்தனா்.

இந்நிலையில், மாவட்டத்தில் மேலும் 9 பேருக்கு கரோனா தொற்று இருப்பது ஞாயிற்றுக்கிழமை உறுதிப்படுத்தப்பட்டது. சிகிச்சை பெற்று வருபவா்களில் ஞாயிற்றுக்கிழமை 7 போ் குணமடைந்த நிலையில், தற்போது 40 போ் மட்டுமே ராமநாதபுரம் அரசு மருத்துவமனையில் சிகிச்சை பெற்று வருவதாக சுகாதாரத் துறையினா் தெரிவித்தனா்.

சிவகங்கை: சிவகங்கை மாவட்டத்தில் ஏற்கெனவே 5,591 போ் கரோனா தொற்றால் பாதிக்கப்பட்டிருந்தனா். இந்நிலையில், ஞாயிற்றுக்கிழமை மேலும் 2 பேருக்கு தொற்று உறுதியானதையடுத்து, பாதிக்கப்பட்டோா் எண்ணிக்கை 5,593 ஆக அதிகரித்துள்ளது.

சிவகங்கை மற்றும் ராமநாதபுரம் மாவட்டங்களைச் சோ்ந்த 17 போ், சிவகங்கை அரசு மருத்துவக் கல்லூரி மருத்துவமனையில் சிகிச்சைப் பெற்று வந்தனா். இவா்களில் 6 போ் குணமடைந்ததை அடுத்து வீடுகளுக்கு ஞாயிற்றுக்கிழமை அனுப்பி வைக்கப்பட்டனா். மீதமுள்ள 11 பேரும் சிகிச்சைப் பெற்று வருவதாக, மருத்துவமனை வட்டாரங்கள் தெரிவித்தன.