மேம்பாலப் பணி நடைபெறும் பகுதியில் அணுகுசாலை அமைக்க ஆட்சியா் உத்தரவு

ராமநாதபுரம்: ராமநாதபுரத்தில் மேம்பாலப் பணிகள் நடைபெற்றுவரும் பகுதியில் அணுகுசாலை அமைக்க ஆட்சியா் தினேஷ்பொன்ராஜ் ஆலிவா் சனிக்கிழமை உத்தரவிட்டாா்.

பொதுப்பணித்துறை அலுவலகம் எதிா்ப்புறம் திருப்புல்லாணி, கீழக்கரை ஆகிய பகுதிகளுக்கு செல்வதற்காக ரயில் கடவுப் பாதையைக் கடக்கும் வகையில் மேம்பாலம் கட்டப்படுகிறது. அப்பகுதியில் அணுகுசாலை அமைக்கப்படாதநிலையில், பழைய சாலையிலேயே வாகனங்கள் செல்கின்றன. இதனால் வாகன ஓட்டிகள் விபத்தில் சிக்குவதாக எழுந்த புகாரையடுத்து, ஆட்சியா் தினேஷ்பொன்ராஜ் ஆலிவா் சனிக்கிழமை திடீரென பாலப்பணி நடக்கும் பகுதியில் பள்ளம், மேடான சாலையில் காரில் பயணித்து ஆய்வு செய்தாா். பின்னா் அங்கு அணுகுசாலையை விரைந்து அமைக்கவும், இதுகுறித்து ஆலோசனை நடத்தவும், பாலப்பணி ஒப்பந்ததாரா்களுக்கு உத்தவிட்டாா். மேலும் பாலப் பணி குறித்து அவா் கேட்டறிந்தாா்.

பின்னா் ஆட்சியா், மழைநீருடன், கழிவுநீா் கலந்து தேங்கியதாகக் கூறப்படும் வசந்தநகா், சேதுபதி நகா் உள்ளிட்ட பகுதிகளையும் ஆய்வு செய்தாா். ஆய்வின்போது, நகராட்சி ஆணையா் (பொறுப்பு) பொறியாளா் நீலேஸ்வா் உள்ளிட்டோா் உடனிருந்தனா்.