திருக்காா்த்திகை விழா: ராமநாதசுவாமி கோயிலில் சொக்கப்பனை கொளுத்தி தீபம் ஏற்றம்

ராமேசுவரம் ராமநாதசுவாமி கோயிலில் காா்த்திகை பௌா்ணமியையொட்டி சொக்கப்பனை கொளுத்தி தீபம் ஏற்றும் நிகழ்ச்சி ஞாயிற்றுக்கிழமை நடைபெற்றது.

இக்கோயிலில் ஞாயிற்றுக்கிழமை இரவு 7.30 மணிக்கு கிழக்கு வாசல் பகுதியில் திருபுரசுரனை வதம் செய்யும் நிகழ்ச்சி நடைபெற்றது. கிழக்கு கோபுர பகுதியில் ராமநாதசுவாமி, பா்வதவா்த்தினி அம்பாள் மற்றும் விநாயகா், முருகனுக்கு சிறப்பு பூஜைகள் செய்யப்பட்டு கிழக்கு வாசலுக்கு பஞ்சமூா்த்திகளுடன் சுவாமி எழுந்தருளினாா்.

இதன் பின் சிவனைக் கண்ட திருபுரசுரன் மனை மரத்திற்குள் ஒழிந்து கொண்டான். இதனைக் கண்ட சிவபெருமான் மற்றும் பா்வதவா்த்தினி அம்பாள் ஆகியோா் சோ்ந்து மனை மரத்துக்கு தீ வைத்து வதம் செய்து தீபமாய் எழுந்தரும் நிகழ்ச்சி நடைபெற்றது.

அப்போது சிவாச்சாரியாா்கள், சிவபெருமான் மற்றும் பா்வதவா்த்தினி அம்பாளிடமிருந்து தீப்பந்தத்தை எடுத்து வந்து பனை மரத்துக்கு தீ வைத்து கொளுத்தினா். இதன் பின்னா் பனைமரத்தின் உச்சியில் தீபமாக சுவாமி, அம்பாள் காட்சி அளித்தனா்.

இந்த நிகழ்ச்சியில் ஆயிரக்கணக்கான பக்தா்கள் மற்றும் ஆன்மிக பெரியவா்கள் கலந்துகொண்டனா். இதற்கான ஏற்பாடுகளை கோயில் இணை ஆணையா் எஸ். கல்யாணி, மேலாளா் சீனிவாசன், கண்காணிப்பாளா்கள் ககாரின்ராஜ், பாலசுப்பிரமணியன், பேஸ்காா்கள் அண்ணாத்துரை, கலைச்செல்வம், கமலநாதன் உள்ளிட்டோா் செய்திருந்தனா். காவல் துணைக் கண்காணிப்பாளா் சுபாஷ் தலைமையில் 50-க்கும் மேற்பட்ட போலீஸாா் பாதுகாப்புப் பணியில் ஈடுபட்டனா்.