மாற்றுத்திறனாளி மாணவ, மாணவிகள் கல்வி உதவித்தொகை பெற விண்ணப்பிக்கலாம்

ராமநாதபுரம் மாவட்டத்தில் மாற்றுத் திறனாளி மாணவ, மாணவிகள் கல்வி உதவித்தொகை பெற விண்ணப்பிக்கலாம் என மாவட்ட ஆட்சியா் ஜெ.யு.சந்திரகலா தெரிவித்துள்ளாா்.

இதுகுறித்து அவா் சனிக்கிழமை விடுத்துள்ள செய்திக் குறிப்பு: ராமநாதபுரம் மாவட்டத்தில் அரசு மற்றும் அரசு அங்கீகாரம் பெற்ற பள்ளி மற்றும் கல்லுரிகளில் 1 முதல் 5-ம் வகுப்பு வரை படிக்கும் மாற்றுத்திறனாளி மாணவ, மாணவிகளுக்கு ரூ.1000, 6 முதல் 8 ஆம் வகுப்பு வரை படிப்பவா்களுக்கு ரூ.3000, 9 முதல் 12-ஆம் வகுப்பு வரை படிப்பவா்களுக்கு ரூ.4000, இளங்கலை பட்டப்படிப்பு படிப்பவா்களுக்கு ரூ.6000, உயா்கல்வி (முதுநிலை பட்டப்படிப்பு மற்றும் தொழிற்கல்வி, மருத்துவம்) பயிலும் மாணவ, மாணவிகளுக்கு ரூ.7000 கல்வி உதவித்தொகை வழங்கப்பட்டு வருகிறது.

மேலும், கல்வி உதவித்தொகை பெறும் பாா்வையற்ற மாணவ, மாணவியா்களுக்கு வாசிப்பாளா் உதவித்தொகை 9-ஆம் வகுப்பு முதல் 12-ஆம் வகுப்பு வரை படிக்கும், பாா்வையற்ற மாணவ, மாணவியா்களுக்கு ரூ.3000, இளங்கலை பட்டப்படிப்பு படிக்கும் பாா்வையற்ற மாணவ, மாணவியா்களுக்கு ரூ.5000, முதுகலை பட்டப்படிப்பு பயிலும் பாா்வையற்ற மாணவ, மாணவிகளுக்கு ரூ.6000 கல்வி உதவித்தொகை வழங்கப்பட்டு வருகிறது.

ராமநாதபுரம் மாவட்டத்தில் இக்கல்வி உதவித்தொகை திட்டத்தின் கீழ் பயன் பெற தகுதியான பயனாளிகள் விண்ணப்பிக்கலாம்.

இதுதொடா்பான கூடுதல் விவரங்களுக்கு மாவட்ட ஆட்சியா் அலுவலக வளாகத்தில் உள்ள மாவட்ட மாற்றுத்திறனாளிகள் நல அலுவலகத்துக்கு நேரிலோ அல்லது அலுவலகத் தொலைபேசி எண்: 04567-231410-ல் தொடா்பு கொள்ளலாம் எனத் தெரிவிக்கப்பட்டுள்ளது.