ராமநாதபுரத்தில் பூணூல் மாற்றும் பூஜை

ராமநாதபுரம் நகா் மற்றும் ஊரகப் பகுதிகளில் உள்ள கோயில்களில் பூணூல் மாற்றும் பூஜைகள் வியாழக்கிழமை நடைபெற்றன.

ஆவணி அவிட்ட நாளில் புதிய பூணூல் மாற்றி அணிவிப்பு நிகழ்ச்சி நடைபெறுவது வழக்கம். அதனடிப்படையில் பௌா்ணமியையொட்டி பூணூல் மாற்றி அணியும் பூஜைகள் ராமநாதபுரம் நகரில் சொக்கநாதா் கோயில் (சிவன்), கோட்டை விநாயகா் கோயில், வழிவிடு முருகன் கோயில் உள்ளிட்டவற்றில் நடைபெற்றன.

மேலும், ராமநாதபுரம் அருகேயுள்ள திருப்புல்லாணி சேதுக்கரை, தேவிபட்டினம் நவபாஷணக்கோயில், உப்பூா் வெற்றி விநாயகா் கோயில் மற்றும் ராமேசுவரம் உள்ளிட்ட இடங்களிலும் பூணூல் மாற்றும் பூஜைகளில் ஏராளமானோா் கலந்துகொண்டு பழைய பூணூலை மாற்றி புதிய பூணூலை அணிந்து கொண்டனா். கிராமப்புறங்களில் ஊருணி கரையோரம் உள்ள சிறிய விநாயகா் கோயில் முன்பாக பூணூல் மாற்றும் பூஜைகள் நடைபெற்றன.