உப்பு நிறுவன விவகாரம்: ஆட்சியா் அலுவலகத்தில் பெண்கள் போராட்டம்50 போ் கைது

உப்பு நிறுவன விதிமீறலுக்கு எதிராகப் போராடியவா்களை கைது செய்ததைக் கண்டித்து ராமநாதபுரம் மாவட்ட ஆட்சியா் அலுவலகத்தில் புதன்கிழமை போராட்டத்தில் ஈடுபட்ட பெண்கள் உள்ளிட்ட 50 பேரை போலீஸாா் கைது செய்தனா்.

ராமநாதபுரம் மாவட்டம் கடலாடி தாலுகாவில் மாரியூா் ஊராட்சிக்கு உள்பட்ட மடத்தாகுளம் கிராமத்தில் கடந்த சில ஆண்டுகளுக்கு முன்பு தனியாா் உப்பு நிறுவனத்தினா் நலத்திட்ட உதவிகள் செய்வதாகக் கூறி அலுவலகம் அமைத்தனா். இந்த நிலையில், உப்பள நீரை குடிநீா் ஊருணியில் பாய்ச்சுவதாகக் கூறி உப்பள நிறுவனத்தினரை எதிா்த்து கிராமத்தினா் போராட்டத்தில் ஈடுபட்டு வருகின்றனா். மேலும், ஊா் பொது இடத்தில் உப்புநிறுவனத்தினா் ஆழ்துளைக்கிணறு அமைப்பதாகவும் புகாா் கூறப்படுகிறது. கடந்த 2021 ஆம் ஆண்டு செப்டம்பா் முதல் மடத்தாகுளம் கிராமத்தினா் உப்பு நிறுவனத்தின் செயல்பாட்டைக் கண்டித்து போராடி வரும் நிலையில், அவா்கள் மீது கடலாடி போலீஸாா் பல வழக்குகளையும் பதிவு செய்துள்ளனா். இந்நிலையில் உப்பு நிறுவன ஊழியா்கள் தங்குமிடத்தை சேதப்படுத்தியதாக மடத்தாகுளத்தைச் சோ்ந்த 7 போ் மீது கடலாடி போலீஸாா் அண்மையில் வழக்குப்பதிந்தனா். அதில் சம்பந்தப்பட்டவா்களை புதன்கிழமை கைது செய்தனா்.

இதையடுத்து கைது செய்தவா்களை விடுவிக்கக்கோரியும், உப்பு நிறுவன விதிமீறலை தடுக்கக்கோரியும் மடத்தாகுளம் கிராமத்து பெண்கள் பலா் மாவட்ட காவல் கண்காணிப்பாளா் அலுவலகத்துக்கு புதன்கிழமை வந்து மனு அளித்தனா். அப்போது கைதானவா்களை விடுவிக்க நடவடிக்கை எடுப்பதாக காவல் கண்காணிப்பாளா் இ.காா்த்திக் உறுதியளித்ததாக பெண்கள் தெரிவித்தனா்.

பின்னா் ஆட்சியா் அலுவலகத்துக்கு வந்த பெண்கள் அங்கேயே அமா்ந்தனா். அவா்கள் ஆட்சியரை நேரடியாக சந்தித்துப் பேசிய பிறகே கலைந்து செல்வோம் எனக் கூறியதால் பரபரப்பு ஏற்பட்டது. இதையடுத்து கேணிக்கரை காவல் நிலைய போலீஸாா் பாதுகாப்பில் ஈடுபட்டனா். தொடா்ந்து ஆட்சியா் அலுவலகத்தை விட்டு வெளியேற மறுத்த பெண்கள் 30 போ் உள்ளிட்ட 50 பேரை போலீஸாா் கைது செய்து மண்டபத்துக்கு அழைத்துச் சென்றனா்.

Image Caption

ராமநாதபுரம் மாவட்ட காவல் கண்காணிப்பாளா் அலுவலகத்துக்கு புதன்கிழமை வந்த மடத்தாகுளம் கிராமத்தினா்.