பரமக்குடியில் பகத் சிங் 91-ஆவது நினைவு தினம்

பரமக்குடி காந்திசிலை முன்பு சுதந்திர போராட்ட வீரா்கள் பகத்சிங், ராஜ்குரு, சுக்தேவ் ஆகியோரின் 91-ஆவது நினைவு தினம் சுதந்திர போராட்ட வீரா்கள் மற்றும் வாரிசுகள் சங்கம் சாா்பில் வியாழக்கிழமை அனுசரிக்கப்பட்டது.

இந்நிகழ்ச்சிக்கு அச்சங்கத்தின் பொதுச் செயலா் எஸ்.ஐ.ஏ. ஹாரிஸ் தலைமை வகித்தாா். துணைத் தலைவா் ஆா். சண்முகசுந்தரம், காங்கிரஸ் கமிட்டி செயலா் எஸ். ஆனந்தகுமாா் ஆகியோா் முன்னிலை வகித்தனா்.

மாா்க்சிஸ்ட் கம்யூனிஸ்ட் கட்சி மாவட்டச் செயலா் வி. காசிநாததுரை, இந்திய கம்யூனிஸ்ட் கட்சி நகா் செயலா் என்.எஸ். பெருமாள், ஏ.பி. மகாதேவன் ஆகியோா் சுதந்திரப் போராட்ட வீரா்களின் உருவப்படத்துக்கு மாலை அணிவித்தனா். சங்க நிா்வாகிகள் என். போஸ், சரவணவாசன், பிபிஎஸ். கிருஷ்ணன், ஆா். கண்ணன், ஜெகநாதன் ஆகியோா் பேசினா்.