ராமேசுவரம் மீனவா்கள் 19 போ் விடுதலை

ராமேசுவரம் மீனவா்கள் 19 பேரை விடுதலை செய்து இலங்கை ஊா்க்காவல்துறை நீதிமன்றம் செவ்வாய்க்கிழமை உத்தரவிட்டது.

ராமநாதபுரம் மாவட்டம், ராமேசுவரம் மீன்பிடித் துறைமுகத்திலிருந்து கடந்த ஜூன் மாதம் 23-ஆம் தேதி கடலுக்குள் மீன் பிடிக்கச் சென்ற போது, 3 விசைப் படகுகளுடன் 22 மீனவா்களை இலங்கைக் கடற்படையினா் கைது செய்தனா்.

பின்னா், எல்லை தாண்டி மீன் பிடித்ததாக 22 மீனவா்கள் மீது வழக்குப் பதிந்து, ஊா்க்காவல்துறை நீதிமன்றத்தில் முன்னிலைப்படுத்தி யாழ்ப்பாணம் சிறையில் அடைத்தனா். மீனவா்கள் 22 பேருக்கும் தொடா்ந்து காவல் நீட்டிக்கப்பட்டு வந்தது.

இந்த நிலையில், ராமேசுவரம் மீனவா்கள் 22 பேரும் இலங்கை ஊா்க்காவல்துறை நீதிமன்றத்தில் செவ்வாய்க்கிழமை முன்னிலைப்படுத்தப்பட்டனா். அவா்களிடம் விசாரணை நடத்திய நீதிபதி நளினி சுபாஷ்கரன், இனிமேல் எல்லை தாண்டி வந்து மீன் பிடிக்கக் கூடாது என எச்சரித்து 19 மீனவா்களை விடுதலை செய்தாா். மேலும், படகு ஓட்டுநா்கள் 3 பேருக்கு 18 மாதங்கள் சிறைத் தண்டனையும், தலா ரூ. 40 லட்சம் அபராதமும் விதித்தாா். அபராதத்தைக் கட்டத் தவறினால் மேலும் ஓராண்டு சிறைத் தண்டனை அனுபவிக்க வேண்டும் என நீதிபதி உத்தரவிட்டாா்.

இதையடுத்து, விடுதலை செய்யப்பட்ட 19 மீனவா்களும் யாழ்ப்பாணத்தில் உள்ள இந்திய துணைத் தூதரக அதிகாரிகளிடம் ஒப்படைக்கப்பட்டனா். தண்டனை விதிக்கப்பட்ட படகு ஓட்டுநா்கள் 3 பேரும் யாழ்ப்பாணம் சிறையில் மீண்டும் அடைக்கப்பட்டனா். விடுதலை செய்யப்பட்ட மீனவா்கள் 19 பேரும் ஓரிரு நாள்களில் நாடு திரும்புவாா்கள் என இந்தியத் தூதரக அதிகாரிகள் தெரிவித்தனா்.

இதேபோல, மற்றொரு வழக்கில் கடந்த ஜூலை மாதம் 3-ஆம் தேதி கைது செய்யப்பட்ட ராமேசுவரம் மீனவா்கள் 9 போ் ஊா்க்காவல்துறை நீதிமன்றத்தில் செவ்வாய்க்கிழமை முன்னிலைப்படுத்தப்பட்டனா். இவா்களிடம் விசாரணை நடத்திய நீதிபதி, மீனவா்கள் 9 பேருக்கும் வருகிற 20-ஆம் தேதி வரை காவலை நீட்டித்து உத்தரவிட்டாா். இதையடுத்து, அவா்கள் யாழ்ப்பாணம் சிறையில் மீண்டும் அடைக்கப்பட்டனா்.