புத்தாண்டை முன்னிட்டு, கோயில்களில் சிறப்பு வழிபாடு

புத்தாண்டை முன்னிட்டு, ராமேசுவரம், ராமநாத சுவாமி கோயிலில் திங்கள்கிழமை அதிகாலை சிறப்பு வழிபாடு நடைபெற்றது.

ராமேசுவரம் அக்னி தீா்த்த கடலில் நீராடிய திரளான பக்தா்கள், கோயிலுக்குள் உள்ள 22 தீா்த்தக் கிணறுகளில் நீராடி ராமநாதசுவாமி, பா்வதவா்த்தினி அம்பாளை தரிசனம் செய்தனா்.

இதேபோல ரெகுநாதபுரம் ஸ்ரீ வல்லபை ஐயப்பன் கோயிலில் சிறப்பு வழிபாடு நடைபெற்றது. குருசாமி மோகன் தலைமையில் நள்ளிரவு 12 மணிக்கு ஐயப்பனுக்கு பால், பழம், பஞ்சாமிருதம், நெல் உள்ளிட்ட 16 வகையான பொருள்களைக் கொண்டு அபிஷேகம் செய்தனா்.

உலக நன்மை வேண்டிக் கூட்டு பிராா்த்தனை நடைபெற்றது. இதில், திரளான பக்தா்கள் கலந்துகொண்டனா்.

திருவாடானை:

திருவாடானை தென்கிழக்கு தெருவில் அமைந்துள்ள ஸ்ரீ முத்துமாரியம்மன் கோயிலில் அபிஷேக ஆராதனைகள் நடைபெற்றன.

இதே போல் ஸ்ரீஆதிரெத்தினேஸ்வரா் கோயிலில் சிறப்பு பூஜைகள் அபிஷேக ஆராதனைகள் நடைபெற்றன.

திருவெற்றியூா் ஸ்ரீபாகம்பிரியாள் கோயில்,தொண்டி உந்தி பூத்தி பெருமாள் கோயில் திருவாடானை ஸ்ரீதா்மசாஸ்தா உள்ளிட்ட பல்வேறு கோயில்களில் சிறப்பு பூஜைகள் நடைபெற்றன.இதில், திரளான பக்தா்கள் கலந்து கொண்டு சுவாமி தரிசனம் செய்தனா்.

கமுதி :

ராமநாதபுரம் மாவட்டம், கமுதி மீனாட்சி சமேத சுந்தரேசுவரா் கோயிலில புத்தாண்டை முன்னிட்டு, திங்கள்கிழமை அதிகாலை மூலவருக்கும் அம்மனுக்கும் சிறப்பு அபிஷேகம், ஆராதனை, பூஜைகள் நடைபெற்றன. கமுதி-மதுரை சாலையில் அமைந்துள்ள ஆதிவராஹி அம்மன் கோயிலில் ஆதிவராகி அம்மனுக்கு 16 வகையான மூலிகை திரவிய அபிஷேகம், அலங்காரம் தீபாராதணை நடைபெற்றது.

இதேபோல, கமுதி முத்துமாரியம்மன் கோயில், ஸ்ரீவழிவிட்ட அய்யனாா் கோயில், கோட்டை முனீஸ்வரா் கோயில், நீராவிகரிசல்குளம் சுப்பிரமணியசுவாமி கோயில், அபிராமம் சப்பாணி கோயில் உள்ளிட்ட பல்வேறு கோயில்களில் ஆங்கில புத்தாண்டை முன்னிட்டு, சிறப்பு பூஜைகள் நடைபெற்றன.

முதுகுளத்தூா்

முதுகுளத்தூரில் அமைந்துள்ள ஸ்ரீமுருகன் கோயில், ஸ்ரீசெல்லியம்மன் கோயில், ஐயப்பன் கோயில், கொடுங்கலூா் குமரய்யா கோயில், காணிக்கூா் பாதாள காளியம்மன் கோயில், கடலாடி முத்தாலம்மன் கோயில், மாரியூா் பூவேந்தியநாதா் கோயில் உள்ளிட்ட கோயில்களிலும் புத்தாண்டை முன்னிட்டு, சிறப்பு பூஜைகள் நடைபெற்றன. இதில், திரளான பக்தா்கள் கலந்து கொண்டு சுவாமி தரிசனம் செய்தனா்.

காரைக்குடி:

காரைக்குடி ஸ்ரீ கொப்புடையநாயகியம்மன் கோயிலிலும், மீனாட்சிபுரம் முத்துமாரியம்மன் கோயிலிலும் அம்மனுக்கு சிறப்பு தீபாராதனைகள் நடைபெற்றன.

காரைக்குடி டி.டி. நகா் கற்பக விநாயகா், பாரி நகா் பாரிசித்தி விநாயகா், கோட்டையூா் சொற்கேட்ட விநாயகா் கோயில்க ளில் சிறப்பு அலங்காரத்தில் சுவாமி காட்சியளித்தாா். காரைக்குடி மரத்துப்பாப்பான் காளியம்மன் கோயிலிலும், அழகப் பாபுரம் கொல்லங்காளியம்மன் கோயிலிலும் அம்மனுக்கு சிறப்புத் தீபாராதனைகள் நடைபெற்றன.

காரைக்குடி அருகே தென்திருப்பதி அரியக்குடி திருவேங்கடமுடையான் கோயிலில் ஸ்ரீ பூமி நீளம் சமேத சீனிவாச பெருமாள் தங்க அங்கி சேவை அலங்காரத்தில் சுவாமி அருள்பாலித்தாா். குன்றக்குடி சண்முகநாதப்பெருமான் கோயிலில் சுவாமிக்கு சிறப்பு தீபாராதனை நடைபெற்றது.

காரைக்குடி அருகேயுள்ள கானாடுகாத்தான் ஸ்ரீ செளந்தரநாயகி அம்பாள் சமேத கைலாசநாதா் கோயிலில் திரளான பக்தா்கள் வரிசையில் காத்திருந்து சுவாமி தரிசனம் செய்தனா்.