எடப்பாடி பழனிசாமி அக்.30-இல் பசும்பொன் வருகை: முன்னாள் அமைச்சா் ஆய்வு

தேவா் குருபூஜை விழாவில் முன்னாள் முதல்வா் எடப்பாடி கே.பழனிசாமி பங்கேற்க இருப்பதால், பாதுகாப்பு முன்னேற்பாடு பணிகள் குறித்து முன்னாள் அமைச்சா் ஆா்.பி.உதயகுமாா் பசும்பொன்னில் செவ்வாய்க்கிழமை ஆய்வு செய்தாா்.

ராமநாதபுரம் மாவட்டம், கமுதி அருகேயுள்ள பசும்பொன்னில் முத்துராமலிங்கத் தேவரின் 117-ஆவது ஜெயந்தி விழா, 62-ஆவது குருபூஜை விழா வருகிற 30-ஆம் தேதி நடைபெற உள்ளது. இந்த விழாவில், முன்னாள் முதல்வா் எடப்பாடி கே.பழனிசாமி கலந்து கொண்டு தேவா் நினைவிடத்தில் மரியாதை செலுத்த உள்ளாா்.

இந்த நிலையில், தேவா் நினைவிடத்தில் அதிமுக முன்னாள் அமைச்சா் ஆா்.பி. உதயகுமாா், மாவட்டச் செயலா் முனியசாமி ஆகியோா் முன்னேற்பாடு பணிகள் குறித்து செவ்வாய்க்கிழமை ஆய்வு மேற்கொண்டனா்.

பின்னா், தேவா் நினைவிடப் பொறுப்பாளா்கள் காந்திமீனாள், பழனி, தங்கவேலு, ராஜா ஆகியோரிடம் தேவா் குருபூஜை பணிகள் குறித்துக் கேட்டறிந்தனா்.

முன்னதாக, கட்சி நிா்வாகிகளுடன் வந்த ஆா்.பி. உதயகுமாா் பசும்பொன்னில் உள்ள முத்துராமலிங்கத் தேவா் சிலைக்கு மாலை அணிவித்து மரியாதை செலுத்தினாா்.

இதில் கமுதி அதிமுக ஒன்றியச் செயலா்கள் எஸ்.பி.காளிமுத்து, ஆா்.ராஜேந்திரன், கருமலையான், முனியசாமி, அவைத் தலைவா் டி.சேகரன், முன்னாள் சட்டப்பேரவை உறுப்பினா்கள் சதன் பிரபாகா், மலேசியா பாண்டி ஆகியோா் கலந்து கொண்டனா்.