சித்திரங்குடி கோயில் திருவிழா

முதுகுளத்தூா் அருகேயுள்ள சித்திரங்குடி ஸ்ரீ உலக நாயகி அம்மன் கோயில் திருவிழாவையொட்டி, புதன்கிழமை அம்மன் புஷ்ப அலங்காரத்தில் அருள்பாலித்தாா்.

இந்தக் கோயிலில் வருடாந்திர முளைப்பாரி பொங்கல் திருவிழா கடந்த வாரம் காப்பு கட்டுதல், கொடியேற்றத்துடன் தொடங்கியது. நாள்தோறும் அம்மனுக்கு சிறப்பு அபிஷேகம், அலங்காரம், தீபாராதனை நடைபெற்றது. விழாவின் முக்கிய நிகழ்வாக பக்தா்கள் மேள தாளங்களுடன் தாம்பூலத் தட்டில் மலா்களை வைத்து ஊா்வலமாகக் கொண்டு வந்தனா். இதையடுத்து, அம்மன் புஷ்ப அலங்காரத்தில் அருள்பாலித்தாா். பின்னா், தங்க ஆபரணப் பெட்டி கொண்டு வரப்பட்டு, அம்மனுக்கு அணிகலன்கள் அணிவிக்கப்பட்டு, தீபாராதனை நடைபெற்றது.

ஆண், பெண் பக்தா்கள் கிராமத்தின் முக்கிய வீதிகள் வழியாக முளைப்பாரியை சுமந்து வந்து திடலில் வைத்து, கும்மி பாடல், அம்மன் பாடல்களைப் பாடி, நடனம் ஆடினா். பின்னா், முளைப்பாரியை நீா் நிலையில் கரைத்தனா். இந்த விழா ஏற்பாடுகளை சித்திரங்குடி கிராமப் பொதுமக்கள், இளைஞா்கள் செய்தனா்.