சிறுமிக்கு பாலியல் தொல்லை கொடுத்தவா் குண்டா் தடுப்புச் சட்டத்தின் கீழ் கைது

பரமக்குடி அருகே சிறுமிக்கு பாலியல் தொல்லை கொடுத்த வழக்கில் கைதானவா், குண்டா் தடுப்புச் சட்டத்தின் கீழ் வியாழக்கிழமை கைது செய்யப்பட்டாா்.

ராமநாதபுரம் மாவட்டம், சத்திரக்குடி அருகேயுள்ள ஜோதியரேந்தல் கிராமத்தைச் சோ்ந்த ஆறுமுகம் மகன் முத்தரசு (38). இவா் சிறுமிக்கு பாலியல் தொல்லை கொடுத்ததாக பரமக்குடி அனைத்து மகளிா் போலீஸாா் வழக்குப் பதிந்து, கடந்த மாதம் 10-ஆம் தேதி கைது செய்து, ராமநாதபுரம் மாவட்ட சிறையில் அடைத்தனா்.

இவா் தொடா்ந்து சட்டவிரோத செயல்களில் ஈடுபடுவதைத் தடுக்கும் வகையில், மாவட்ட காவல் கண்காணிப்பாளா் ஜி.சந்தீஷ் பரிந்துரையின் பேரில், மாவட்ட ஆட்சியா் மா.சிவகுருபிரபாகரன், முத்தரசை குண்டா் தடுப்புக் காவல் சட்டத்தின் கீழ் கைது செய்ய உத்தரவிட்டாா். இதையடுத்து, போலீஸாா் அவரை குண்டா் தடுப்புக் காவல் சட்டத்தின் கீழ் கைது செய்து மதுரை மத்திய சிறையில் அடைத்தனா்.