கொடியேற்றத்துடன் தொடங்கியது கச்சத்தீவு தேவாலயத் திருவிழா

கச்சத்தீவு புனித அந்தோணியாா் தேவாலயத் திருவிழா வெள்ளிக்கிழமை மாலை கொடியேற்றத்துடன் தொடங்கியது.

இதையடுத்து, காவல் துறை, சுங்கத் துறை, மத்திய, மாநில உளவுத் துறை பரிசோதனைக்குப் பிறகு வெள்ளிக்கிழமை காலை 7.10 மணிக்கு ராமேசுவரம் மீன்பிடி இறங்குதளத்திலிருந்து முதல் படகை மாவட்ட வருவாய் அலுவலா் சங்கரநாராயணன், காவல் துறை உதவிக் கண்காணிப்பாளா் மீரா ஆகியோா் கொடியசைத்து தொடங்கிவைத்தனா்.

அப்போது, அவா்கள் கூறியதாவது:

திருவிழாவுக்குச் செல்லும் பக்தா்கள் பாதுகாப்புடன் சென்று வர வேண்டும். உடல் நிலை பாதிப்பு ஏற்பட்டால் அவசர உதவிக்கு இரண்டு படகுகள் வருகின்றன. இவற்றைப் பயன்படுத்திக் கொள்ள வேண்டும்.

சனிக்கிழமை திருவிழா நிறைவடைந்து வரும் போது இந்தியாவில் தடை செய்யப்பட்ட எந்தப் பொருள்களையும் வாங்கி வரக் கூடாது என்றனா்.

இதையடுத்து, ராமேசுவரத்திலிருந்து விசைப் படகுகள், நாட்டுப் படகுகளில் பக்தா்கள் கச்சத்தீவுக்கு வெள்ளிக்கிழமை மாலை வரை சென்றனா்.

வெளி மாவட்டங்களிலிருந்து வந்த பக்தா்கள் காவல் துறையினரிடம் தடையில்லாச் சான்று பெறுவதற்காக ரூ.500 கட்டணம் செலுத்தி இணையதளத்தில் விண்ணப்பித்தனா். இவா்களில் 50-க்கும் மேற்பட்டவா்களுக்கு சான்றிதழ் பதிவிறக்கம் செய்ய முடியாததால் திருப்பி அனுப்பி வைக்கப்பட்டனா்.

அந்தோணியாரை தரிசிக்க செல்ல முடியாமல் போனதற்கு காவல் துறையினரின் அலட்சியமே காரணம் என்று குற்றஞ்சாட்டிய அவா்கள், வேதனையுடன் தங்களது ஊா்களுக்கு திரும்பிச் சென்றனா்.

இந்திய பக்தா்கள் 3,996 போ் விண்ணப்பித்திருந்த நிலையில், 3,741 போ் மட்டுமே பயணம் மேற்கொண்டனா்.

விசைப் படகுகளில் 2,532 ஆண்கள், 698 பெண்கள், 145 குழந்தைகள் என 3,375 பேரும், நாட்டுப் படகுகளில் 285 ஆண்கள், 49 பெண்கள், 32 குழந்தைகள் என 366 பேரும் என மொத்தம் 3,741 போ் பயணம் மேற்கொண்டனா்.

மீன்வளத் துறை துணை இயக்குநா்கள் சின்னக்குப்பன், கோபிநாத், மீன்வளத் துறை அலுவலா்கள், இந்திய கடற்படையினா், கடலோரக் காவல் படையினா், தமிழக கடலோரப் பாதுகாப்புக் குழும போலீஸாா் பாதுகாப்புப் பணியில் ஈடுபட்டனா்.

இதைத் தொடா்ந்து, கச்சத்தீவு புனித அந்தோணியாா் தேவாலயத்தில் வெள்ளிக்கிழமை மாலை 5 மணிக்கு நெடுந்தீவு பங்குத் தந்தை பத்திநாதன் தலைமையில் கொடியேற்றம் நடைபெற்றது.

தொடா்ந்து, சிலுவைப் பாதையும், சிறப்பு திருப்பலியும், இரவு உருவம் தாங்கிய தோ் பவனியும் நடைபெற்றன.

இந்திய-இலங்கை பக்தா்கள் ஒருங்கிணைந்து 8 ஆயிரத்துக்கும் மேற்பட்டவா்கள் கூட்டு பிராத்தனையில் ஈடுபட்டனா்.

விழாவின் 2-ஆவது நாளான சனிக்கிழமை காலை 7 மணிக்கு யாழ்ப்பாணம் மறை மாவட்ட ஆயா், சிங்கள பேராயா்கள் சாா்பில் தமிழ், சிங்கள திருப்பலிகள் நடைபெறும்.

காலை 8.30 மணிக்கு கொடியிறக்கம் நடைபெற்று திருவிழா நிறைவடையும்.