செய்தி மடல்
இ-பேப்பர்
அபிராமம் அருகே பெண்ணிடம் தங்கச் சங்கிலி பறிப்பில் ஈடுபட்டதாக 4 இளைஞா்களை போலீஸாா் ஞாயிற்றுக்கிழமை கைது செய்தனா்.
ராமநாதபுரம் மாவட்டம், அபிராமம் அடுத்துள்ள மணிபுரம், இந்திராநகரைச் சோ்ந்த மோகன் மனைவி ராஜேஸ்வரி (45). இவா் தனது உறவினருடன் சனிக்கிழமை மாலை இரு சக்கர வாகனத்தில் அபிராமத்திலிருந்து வீட்டுக்குச் சென்று கொண்டிருந்தாா்.
மணலூா் விலக்கு சாலை அருகே சென்றபோது இரு சக்கர வாகனங்களில் பின் தொடா்ந்து வந்த மா்ம நபா்கள் 5 போ் அவரை வழிமறித்து தாக்கி அவா் அணிந்திருந்த 6 பவுன் தங்கச் சங்கிலியை பறிக்க முயன்றனா்.
அப்போது அவா்களுடன் ராஜேஸ்வரி போராடியதால், தங்கச் சங்கிலியின் ஒரு பாதியை பறித்துக் கொண்டு அவா்கள் தப்பியோடி விட்டனா். இதில் காயமடைந்த ராஜேஸ்வரியை அந்த வழியாக வந்தவா்கள் அவரை மீட்டு கமுதி அரசு மருத்துவமனைக்கு அனுப்பி வைத்தனா்.
இதுகுறித்து அபிராமம் போலீஸாா் வழக்குப் பதிந்து கண்காணிப்பு கேமரா பதிவுகளின் அடிப்படையில் விசாரணை நடத்தினா். விசாரணையில், பேரையூா் இலந்தைக்குளத்தை சோ்ந்த சக்திவேல் (18), தூரியையைச் சோ்ந்த ஜெயகிருஷ்ணன் (22), மேலத்தூவலைச் சோ்ந்த நாகமுனீஸ்வரன் (26), ராமேசுவரம் மாந்தோப்பைச் சோ்ந்த குணா (21) மற்றொரு நபா் என 5 போ் தங்கச் சங்கிலி பறிப்பில் ஈடுபட்டது தெரியவந்தது.
இதில் சக்திவேல், ஜெயகிருஷ்ணன், நாக முனீஸ்வரன், குணா ஆகிய நான்கு பேரை அபிராமம் போலீஸாா் ஞாயிற்றுக்கிழமை காலை கைது செய்து அவா்களிடமிருந்த சங்கிலின் ஒரு பாதியான 3 பவுன் தங்கத்தை மீட்டு, தொடா்ந்து விசாரிக்கின்றனா்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
