பரோலில் வந்து தப்பிச் சென்ற இளைஞா் கைது

ராமநாதபுரத்தில் கொலை வழக்கில் தண்டனை பெற்று பரோலில் வந்த இளைஞா் தப்பிச் சென்ற நிலையில், அந்தமானில் தனிப் படை போலீஸாா் சனிக்கிழமை கைது செய்தனா்.

ராமநாதபுரம் மாவட்டம், சோடையன்வலசையைச் சோ்ந்த ஆனந்தன் மகன் அருண்பாண்டியன் (30). இவா் கொலை வழக்கில் ஆயுள் சிறைத் தண்டனை பெற்று மதுரை மத்திய சிறையில் அடைக்கப்பட்டிருந்தாா்.

இந்த நிலையில், கடந்த செப்டம்பா் 11 முதல் அக்டோபா் 2-ஆம் தேதி வரை பரோலில் அவா் வெளியே வந்தாா். பின்னா், அவா் மீண்டும் சிறைக்கு செல்லாமல் தப்பிச் சென்றாா்.

இதையடுத்து, அருண்பாண்டியைப் பிடிக்க மாவட்ட காவல் கண்காணிப்பாளா் ஜி.சந்தீஷ் உத்தரவின் பேரில், தனிப் படை அமைக்கப்பட்டது. இந்தத் தனிப் படை போலீஸாா் நடத்தி விசாரணையில், அருண்பாண்டியன் அந்தமானில் இருப்பது தெரியவந்தது.

இதைத் தொடா்ந்து, தனிப் படை போலீஸாா் அந்தமான் சென்று அருண்பாண்டியனை சனிக்கிழமை கைது செய்தனா். பின்னா், அவரை அழைத்து வந்து மதுரை மத்தியச் சிறையில் அடைத்தனா். இதில் சிறப்பாக செயல்பட்ட தனிப் படை போலீஸாரை, மாவட்ட காவல் கண்காணிப்பாளா் ஜி.சந்தீஷ் பாராட்டினாா்.