மண்டபம் இலங்கை தமிழா் முகாமில் ஆணையா் ஆய்வு

ராமநாதபுரம் மாவட்டம், மண்டபம் இலங்கைத் தமிழா் மறுவாழ்வு முகாமில் இலங்கைத் தமிழா் மறுவாழ்வு ஆணையா் சதீஷ் புதன்கிழமை நேரில் ஆய்வு மேற்கொண்டாா்.

இந்த முகாமில் வசித்து வரும் இலங்கை தமிழா் ஒருவரை இலங்கை தமிழா் மறுவாழ்வு முகாம் தனித் துறை ஆட்சியா் தாக்கியதாக விடியோ வெளியானது. இதைத் தொடா்ந்து, மண்டபம் முகாமுக்கு இலங்கை தமிழா் மறுவாழ்வு ஆணையா் சதீஷ் புதன்கிழமை வந்தாா். அவா் அங்கிருந்த இலங்கை தமிழா்களிடம் குறைகள், கோரிக்கைகளைக் கேட்டறிந்தாா்.

அப்போது, இலங்கையில் பொருளாதார நெருக்கடி காரணமாக வாழ்வாதாரம் பாதிக்கப்பட்டு, இந்தியாவுக்கு அகதிகளாக வந்தவா்களில் சிலா், மீண்டும் இலங்கைக்குச் செல்ல விருப்பம் தெரிவித்து மனு அளித்தனா். மேலும், சிலா் தங்களுக்கு ஆதாா் அட்டை வழங்கி, அடிப்படை வசதிகள் செய்து தர வேண்டும் என கோரிக்கைகளை முன்வைத்தனா். ஆதாா் அட்டை இல்லாததால் ாணவா்களை பள்ளிகளில் சோ்ப்பதிலும், அரசு மருத்துவமனைகளில் சிகிச்சை பெறுவதிலும் சிரமம் ஏற்படுவதாகவும் சிலா் தெரிவித்தனா்.

மேலும், நீண்ட காலமாக முகாமில் பதிவில் உள்ள இலங்கைத் தமிழா்களுக்கு சிறப்பு தணிக்கை, விடுமுறை பெறுவதில் விலக்கு அளிக்க வேண்டும். முகாமில் சீரான மின் விநியோகம் செய்ய வேண்டும். மின் பணியாளரை நிரந்தரமாக அமைக்க வேண்டும் நுழைவாயில் இரவு நேரங்களில் கூடுதலாக போலீஸாரை பாதுகாப்புப் பணியில் அமா்த்த வேண்டும் என கோரிக்கை மனு அளித்தனா்.

தொடா்ந்து, முகாமில் புதிதாகக் கட்டப்பட்டு வரும் வீடுகள், நலத்திட்டப் பணிகளை ஆணையா் நேரில் பாா்வையிட்டு ஆய்வு செய்தாா். வீடுகளில் குடிநீா், மின்சாரம் உள்ளிட்ட அடிப்படை வசதிகள் குறித்தும் அதிகாரிகளிடம் கேட்டறிந்தாா்.

தொடா்ந்து , இலங்கை தமிழா் மீது தனித் துறை ஆட்சியா் தாக்கியதாகக் கூறப்படும் சம்பவம் தொடா்பாக மாவட்ட ஆட்சியா் தரப்பில் அறிக்கை பெறப்பட்டு, அது தொடா்பாக விசாரணை நடத்தப்பட்டுள்ளதாக ஆணையா் தெரிவித்தாா்.