கோஷ்டி மோதலில் பெண்களுக்கு அரிவாள் வெட்டு: 11 பேர் மீது வழக்கு

இளையான்குடி அருகே திங்கள்கிழமை இரு தரப்பினருக்கிடையே ஏற்பட்ட கோஷ்டி மோதலில் 4 பெண்கள் உள்பட 5 பேருக்கு அரிவாள் வெட்டு விழுந்தது. இரு தரப்பைச் சேர்ந்த 11 பேர் மீது போலீஸார் வழக்குப்பதிவு செய்தனர்.

  இளையான்குடி அருகே மேலாயூர் கிராமத்தைச் சேர்ந்தவர்கள் லெட்சுமி, முத்து. இருவரது குடும்பத்தினருக்கும் இடையே இடப்பிரச்சனை தொடர்பாக முன் விரோதம் இருந்து வந்துள்ளது. இந்நிலையில் இருதரப்பினரும் மேலாயூர் கிராமத்தில் ஆயுதங்களுடன் மோதிக்கொண்டனர். இதில் இருதரப்பைச் சேர்ந்த சுகன்யா, தேவிகா, முத்து, லெட்சுமி, நாகராஜ் ஆகியோருக்கு அரிவாள் வெட்டு விழுந்தது. இவர்கள் அனைவரும் சிவகங்கை அரசு மருத்துவமனையில் சேர்க்கப்பட்டனர். இதுகுறித்த புகார்களின்பேரில், இரு தரப்பைச்  11 பேர் மீது இளையான்குடி போலீஸார் வழக்குப்பதிவு செய்து விசாரித்து வருகின்றனர்.