பிரத்யங்கிரா தேவி கோயிலில் புத்திர காமேஷ்டி யாகம்

மானாமதுரை அருகே மகா பஞ்சமுக பிரத்யங்கிரா தேவி கோயிலில் நடைபெற்று வரும் சகஸ்ர சண்டீ யாகத்தின் 5 ஆம் நாளான புதன்கிழமை புத்திர காமேஷ்டி யாகம் நடைபெற்றது.
 இதில், குழந்தை வரம் வேண்டி ஏராளமான தம்பதியினர் பங்கேற்றனர். மானாமதுரையில் வேதியரேந்தல் விலக்கு பகுதியில் உள்ள இக்கோயிலில் கடந்த 4-ஆம் தேதி சகஸ்ர சண்டீ யாகம் தொடங்கியது. 
வரும் 11ஆம் தேதி வரை இந்த யாகம் நடைபெறுகிறது. இதில், புதன்கிழமை குழந்தை இல்லாத தம்பதியருக்கு குழந்தை வரம் கிடைக்க வேண்டி புத்திர காமேஷ்டி யாகம் நடத்தப்பட்டது. இந்த யாகத்தில் ஏராளமான தம்பதியினர் கலந்து கொண்டனர். முன்னதாக சித்தி கணபதி ஹோமம், மகா சுதர்சன ஹோமம், மகா தன்வந்திரி ஹோமம் நடைபெற்றது.சகஸ்ர சண்டீ யாகத்தின் முக்கிய நிகழ்ச்சியாக வரும் 10 ஆம் தேதி மதியம் அமாவாசை சண்டீஹோமமும் பஞ்சமுக பிரத்யங்கிரா ஹோமமும் நடைபெறுகிறது.