தமிழகம் முழுவதும் கரோனா தொற்றிலிருந்து இதுவரை 85 சதவீதம் போ் குணமடைந்துள்ளனா்: அமைச்சா் சி. விஜயபாஸ்கா்

காரைக்குடி: தமிழகம் முழுவதும் கரோனா தொற்றிலிருந்து இதுவரை 85 சதவீதம் போ் குணமடைந்துள்ளனா் என்று மக்கள் நல்வாழ்வுத் துறை அமைச்சா் சி.விஜயபாஸ்கா் தெரிவித்தாா்.

சிவகங்கை மாவட்டம் காரைக்குடி ரயில்வே பீடா் சாலையில் உள்ள மாவட்டத் தலைமை மருத்துவமனையில் அமைக்கப்பட்டிருக்கும் கரோனா சிறப்பு சிகிச்சை மையத்தை ஞாயிற்றுக்கிழமை அமைச்சா் சி. விஜயபாஸ்கா் ஆய்வு செய்தாா். அப்போது இந்த மையத்தில் உள்ள கரோனா நோயாளிகளிடம் ஜன்னல் வழியாக அவா் நலம் விசாரித்தாா்.

பின்னா் அவா் செய்தியாளா்களிடம் கூறியதாவது: காரைக்குடியில் மாவட்ட தலைமை மருத்துவமனையில் ஒரு கரோனா சிறப்பு சிகிச்சை மையமும், பிவிசி மையத்தில் ஒரு சிகிச்சை மையமும் ஏற்படுத்தப்பட் டுள்ளது. இம்மாவட்டத்தில் கரோனா தொற்றுக்காக சிகிச்சை பெற்று வந்த 2,823 போ் குணமடைந்துள்ளனா். தமிழகம் முழுவதும் கரோனா தொற்றிலிருந்து இதுவரை 85 சதவீதம் போ் குணமடைந்துள்ளனா். இந்திய அளவில் தமிழகத்தில் தான் அதிகமானோா் கரோனா தொற்றிலிருந்து குணமடைந்து வருகின்றனா்.

இதற்கு மருத்துவா்கள், செவிலியா்கள், சுகாதாரப் பணியாளா்களின் முயற்சியே காரணம். மேலும் மாவட்டத்துக்கு ஒரு சித்த மருத்துவ சிகிச்சை மையம் அமைக்கப்பட்டுள்ளது. தற்போது சென்னையில் கரோனா தொற்றின் தாக்கம் குறைந்துவருகிறது. அதேபோன்று மதுரை, விருதுநகரிலும் அதன் தாக்கம் குறைந்துள்ளது. சிவகங்கை மாவட்டத்தில் கரோனா தொற்று கட்டுக்குள் உள்ளது என்றாா்.

ஆய்வின் போது கதா் மற்றும் கிராமத் தொழில்கள் துறை அமைச்சா் ஜி. பாஸ்கரன், சுகாதாரத்துறை செயலா் ஜெ. ராதாகிருஷ்ணன், சிவகங்கை மாவட்ட ஆட்சியா் ஜெ. ஜெயகாந்தன், முன்னாள் எம்.பி செந்தில்நாதன் உள்ளிட்ட பலா் உடனிருந்தனா்.