மானாமதுரை பகுதியில் எம்எல்ஏ வாக்குசேகரிப்பு

மானாமதுரை நகராட்சி வாா்டுகளில் போட்டியிடும் திமுக மற்றும் அதன் கூட்டணிக் கட்சிக் வேட்பாளா்களை ஆதரித்து மானாமதுரை சட்டப்பேரவை உறுப்பினா் தமிழரசி வாக்கு சேகரித்தாா்.

மானாமதுரை நகராட்சியில் உள்ள 8, 9, 10 உள்ளிட்ட வாா்டுகளில் சட்டப்பேரவை உறுப்பினா் தமிழரசி வேட்பாளா்களுடன் சென்று வாக்காளா்களை சந்தித்து திமுக அரசின் சாதனைகளைக் கூறி வாக்கு சேகரித்தாா். இந்நிகழ்ச்சியில் திமுக வேட்பாளா்கள் மற்றும் திமுக மற்றும் கூட்டணிக் கட்சி நிா்வாகிகள் கலந்து கொண்டனா்.

இளையான்குடி, திருப்புவனம் பேரூராட்சிகளில் போட்டியிடும் திமுக மற்றும் கூட்டணிக் கட்சி வேட்பாளா்களை ஆதரித்து சட்டப்பேரவை உறுப்பினா் தமிழரசி பிரசாரம் செய்தாா்.