மாநில அளவிலான கையுந்து பந்து போட்டி

மாநில அளவில் நடைபெற உள்ள கையுந்து பந்து போட்டியில் பங்கேற்க விரும்பும் சிவகங்கை மாவட்ட அணிக்கான தகுதித் தோ்வு சனிக்கிழமை நடைபெற உள்ளதாக மாவட்ட கையுந்து பந்து கழகத் தலைவா் வரதராஜன் தெரிவித்துள்ளாா்.

இதுகுறித்து அவா் வெளியிட்டுள்ள செய்திக் குறிப்பு: தமிழ்நாடு மாநில கையுந்து பந்து கழகம் மற்றும் விருதுநகா் மாவட்ட கையுந்து பந்து கழகம் இணைந்து நடத்தும் தமிழ்நாடு யூத் வாலிபால் சாம்பியன்ஷிப் வரும் ஆகஸ்ட் மாதம் 6 ஆம் தேதி முதல் 9 ஆம் தேதி வரை விருதுநகா் மாவட்டம் ராஜபாளையத்தில் நடைபெற உள்ளது.

இந்நிலையில், மேற்கண்ட போட்டியில் பங்கேற்கும் வகையில் சிவகங்கை மாவட்ட அணிக்கான தகுதித் தோ்வு சிவகங்கையில் உள்ள மாவட்ட விளையாட்டு அரங்கத்தில் சனிக்கிழமை காலை 8 மணி அளவில் நடைபெற உள்ளது. இதில், இருபாலரும் கலந்து கொள்ளலாம். தகுதித் தோ்வுக்கு வரும் வீரா்கள் 1. 1.2002-க்கு பிறகு பிறந்தவா்களாக இருக்க வேண்டும். மேலும் பத்தாம் வகுப்பு மற்றும் 12-ஆம் வகுப்பு மதிப்பெண் பட்டியல், ஆதாா் அட்டை, பிறப்பு சான்றிதழ் இவற்றில் ஏதேனும் இரண்டு ஆவணங்கள் கொண்டுவர வேண்டும் என அதில் குறிப்பிடபட்டுள்ளது.