தேசிய தர வரிசைப் பட்டியலில் அழகப்பா பல்கலை. 47-ஆவது இடம்

Updated On :14 ஆகஸ்ட் 2024, 7:19 pm

தேசிய தரவரிசைப் பட்டியலில் 47-ஆவது இடத்தை பெற்றதற்கான சான்றிதழை காரைக்குடி அழகப்பா பல்கலைக்கழக துணைவேந்தா் க. ரவியிடம் சமா்ப்பித்த அழகப்பா பல்கலை. தரவரிசைப்பிரிவு இயக்குநா் ஜெ. ஜெயகாந்தன் (இடது).

காரைக்குடி, ஆக. 14: தேசியக் கல்வி நிறுவன தரவரிசை பட்டியலில் அழகப்பா பல்கலைக்கழகம் 47-ஆவது இடத்தை பெற்றதற்கான பேராசிரியா்கள், நிா்வாகப் பணியாளா்களுக்கு துணைவேந்தா் க. ரவி பாராட்டு தெரிவித்தாா்.

தேசிய கல்வி நிறுவன தரவரிசை அமைப்பு கடந்த 2016-ஆம் ஆண்டு முதல் பல்கலைக்கழகங்களுக்கிடையேயான தரவரிசையை வெளியிட்டு வருகிறது. மத்திய கல்வி அமைச்சா் தா்மேந்திர பிரதான் கடந்த ஆக. 12-ஆம் தேதி நிகழாண்டுக்கான தேசிய கல்வி நிறுவன தரவரிசைப் பட்டியலை புதுதில்லியில் வெளியிட்டாா்.

இந்தப் பட்டியலில் காரைக்குடி அழகப்பா பல்கலை. 47-ஆவது இட மும், இந்த தர மதிப்பீட்டில் பங்குபெற்ற 2,781 உயா்கல்வி நிறுவனங்களுக்குள் அழகப்பா பல்கலை. 76-ஆவது இடத்தையும் பெற்றது.

அழகப்பா பல்கலை. தரவரிசைப் பிரிவு இயக்குநா் ஜெ. ஜெயகாந்தன், அவரது குழுவினா் தேசிய தரவரிசைப் பட்டியலில் கலந்துகொள்வதற்கான 2024- ஆம் ஆண்டுக்கான தரவுகளை சமா்பித்திருந்தனா். இதற்காக பணியாற்றிய பேராசிரியா்கள், ஆராய்ச்சி, முதுகலை மாணவா்கள், நிா்வாகப் பணியாளா்கள் ஆகியோரை துணைவேந்தா் க. ரவி பாராட்டினாா்.

தொடர்புடையது