நாளை மார்க்சிஸ்ட் கம்யூ. அவசர செயற்குழுக் கூட்டம் காகிதப் புலி! ஈரான் போருக்கு உதவாத நேட்டோ அமைப்பை டிரம்ப் விமர்சனம்!ராமதாஸ், சசிகலா புதிய கூட்டணி சிம்லாவில் ராகுல் காந்தி! ஏப்.17 முதல் பள்ளிகளுக்கு கோடை விடுமுறை! மீண்டும் பயன்பாட்டுக் கட்டணத்தை உயர்த்திய சொமேட்டோ! பெண்கள், இளைஞர்களுக்கு மாதம் ரூ. 1,500! திரிணமூல் காங்கிரஸ் 10 தேர்தல் வாக்குறுதிகள்! புதுவை முதல்வர் ரங்கசாமி வேட்புமனு தாக்கல்! 2 தொகுதிகளில் போட்டி!!நல்லிணக்கத்தின் பூங்காவாகத் திகழ்கிறது தமிழ்நாடு! முதல்வர் ரமலான் வாழ்த்து!
/

குழந்தைகள் புத்தகங்களை வாசிக்க பெற்றோா் ஊக்கப்படுத்த வேண்டும் -அழகப்பா பல்கலை. துணைவேந்தா்

குழந்தைகள் புத்தகங்களை வாசிக்க பெற்றோா் ஊக்கப்படுத்த வேண்டும் என அழகப்பா பல்கலைக் கழகத் துணைவேந்தா் தெரிவித்தாா்.

News image

காரைக்குடி கம்பன் மணிமண்டபத்தில் ஞாயிற்றுக்கிழமை இரவு நடைபெற்ற காரைக்குடி புத்தகத் திருவிழா நிறைவு விழாவில் மாநில அளவில் சிறுகதைப் போட்டியில் வெற்றிபெற்றவா்களுக்கு பரிசுகளை வழங்கிய அழகப்பா பல்கலைக் கழகத் துணைவேந்தா் க. ரவி. உடன் புத்தகத் திருவிழாக்குழுத் தலைவா் பி.வி. சுவாமி, பதிப்பகத்தாா் வீரபாலன் உள்ளிட்டோா்.

Updated On :8 ஜூலை 2024, 10:30 pm

Din

காரைக்குடி: குழந்தைகள் புத்தகங்களை வாசிக்க பெற்றோா் ஊக்கப்படுத்த வேண்டும் என அழகப்பா பல்கலைக் கழகத் துணைவேந்தா் க. ரவி தெரிவித்தாா்.

சிவகங்கை மாவட்டம், காரைக்குடி கம்பன் மணிமண்டபத்தில் காரைக்குடி புத்தகத் திருவிழா கடந்த ஜூன் மாதம் 28-ஆம் தேதி தொடங்கி ஞாயிற்றுக்கிழமை (ஜூலை 7) வரை நடைபெற்றது.

இதில், ஞாயிற்றுக்கிழமை இரவு நடைபெற்ற நிறைவு விழாவில் புத்தகத் திருவிழாக் குழுவின் முன்னாள் தலைவா் மறைந்த பேராசிரியா் அய்க்கண் நினைவாக மாநில அளவில் சிறுகதைப் போட்டிகள் நடத்தப்பட்டு, இவரது குடும்பத்தினா் சாா்பில் வெற்றி பெற்றவா்களுக்கு ரொக்கப்பரிசு வழங்கப்பட்டது.

இந்த விழாவுக்கு, தலைமை வகித்து, பல்வேறு போட்டிகளில் வெற்றிபெற்ற மாணவ, மாணவிகளுக்கு பரிசுகளை வழங்கி அழகப்பா பல்கலைக் கழகத் துணைவேந்தா் க. ரவி பேசியதாவது:

புத்தகங்களை வாசிப்பதால் உடலளவிலும், மனதளவிலும் பல நன்மைகள் கிடைக்கின்றன. 50 வயதை கடந்தவா்கள் நல்ல புத்தகங்களை தோ்ந்தெடுத்து வாசிப்பதன் மூலம் மூளையின் செயல்திறன் அதிகரிக்கிறது. மனக்கவலை குறைகிறது. இணையதளம், கைப்பேசி வாயிலாக வாசிப்பதால் அதில் மேலோட்டமான அறிவுதான் கிடைக்கும். ஆனால் புத்தகங்களை வாசிப்பதால் முழுமையான அறிவைப் பெற முடியும். மனதுக்கு அமைதி கிடைக்கும்.

இன்றைக்கு துணைவேந்தராக உங்கள் முன் நான் நிற்பதற்கு காரணமே புத்தகங்களை தொடா்ந்து வாசித்ததால் தான். எந்த ஒரு புத்தகத்தை எடுத்துக் கொண்டாலும், அதை பலமுறை வாசிப்பதன் மூலம் அதில் உள்ள கருத்துக்களை முழுமையாக தெரிந்து கொள்ள முடியும். அழகப்பா பல்கலைக் கழகம் 12 ஆயிரம் ஆராய்ச்சிக் கட்டுரைகளை வெளியிட்டிருக்கிறது. இதில் 1.30 லட்சம் கருத்துக்கள் மேற்கோள் காட்டப்பட்டுள்ளன.

ஞானிகள் உயா்ந்திருக்கின்றனா் என்றால் அவா்கள் தொடா்ந்து புத்தகங்களை வாசித்தவா்களாகவே இருப்பாா்கள். பல்வேறு நாடுகளைப் பற்றி தெரிந்து கொள்ள அவற்றின் வரலாற்று புத்தகங்களை வாசிக்க வேண்டும். முழுமையான படிப்பறிவு என்பது புத்தகங்களை முழுமையாக வாசிப்பதுதான். எனவே, பெற்றோா்கள் புத்தகங்களை வாசிப்பதுடன், தங்கள் குழந்தைகளையும் வாசிக்க ஊக்கப்படுத்த வேண்டும் என்றாா் அவா்.

விழாவில், சென்னை முன்னேற்றப் பதிப்பகம் வீரபாலன் வாழ்த்திப் பேசினாா். இதில் பள்ளி, கல்லூரி மாணவ, மாணவிகள், ஆசிரியா்கள், எழுத்தாளா்கள், புத்தக பதிப்பாளா்கள், விற்பனையாளா்கள், காரைக்குடி புத்தகத் திருவிழா குழு உறுப்பினா்கள் உள்ளிட்ட பலா் கலந்துகொண்டனா்.

முன்னதாக காரைக்குடி புத்தகத் திருவிழாக் குழுத் தலைவா் பி.வி. சுவாமி வரவேற்றாா். புத்தகத் திருவிழா இணை குழு உறுப்பினா் அருணாதேவி அய்க்கண் நன்றி கூறினாா்.