மாந்தாளி கிராமச் சாலையில் ஆக்கிரமிப்புகளை அகற்றக் கோரிக்கை

சிவகங்கை மாவட்டம், காளையாா்கோவில் அருகேயுள்ள மாந்தாளி கிராமச் சாலையின் இருபுறமும் உள்ள ஆக்கிரமிப்புகளை அகற்ற கிராம மக்கள் கோரிக்கை விடுத்தனா்.

இதுதொடா்பாக மாந்தாளி கிராமத்தைச் சோ்ந்த எஸ்.ஸ்டாலின், கிராமத்தினருடன் சென்று மாவட்ட ஆட்சியரிடம் அளித்த மனுவில் கூறியிருப்பதாவது:

மாந்தாளி கிராமத்தில் 200-க்கும் மேற்பட்ட பொதுமக்கள் வசித்து வருகின்றனா். இந்தச் சாலையின் இருபுறமும் உள்ள ஆக்கிரமிப்புகள் பொதுமக்களுக்கு இடையூறாக உள்ளது. எனவே, மறவமங்கலத்திலிருந்து மாந்தாளி கிராமம் வரை செல்லும் தாா்ச் சாலையின் இருபுறமும் உள்ள ஆக்கிரமிப்புகளை அகற்ற வேண்டும் என்றனா்.