மஞ்சுவிரட்டில் காளை முட்டியதில் கல்லூரி மாணவா் உயிரிழப்பு

சிவகங்கை அருகே கோமாளிபட்டியில் ஞாயிற்றுக்கிழமை நடைபெற்ற மஞ்சுவிரட்டின்போது, காளை முட்டியதில் பொறியியல் கல்லூரி மாணவா் உயிரிழந்தாா்.

சிவகங்கை நகா் காவல் நிலைய எல்கைக்கு உள்பட்ட கோமாளிபட்டி கோமாளியம்மன் கோயில் திருவிழாவை முன்னிட்டு, கண்மாய் திடலில் மஞ்சுவிரட்டு நடைபெற்றது. இதில் கோயில் காளை உள்பட நூற்றுக்கும் மேற்பட்ட காளைகள் அவிழ்த்துவிடப்பட்டன.

அப்போது, மஞ்சுவிரட்டை வேடிக்கை பாா்க்க வந்த இடையமேலூா் பகுதியைச் சோ்ந்த சின்னான் மகன் கௌதமை (20) காளை முட்டியது. இதில் அவா் சம்பவ இடத்திலேயே உயிரிழந்தாா்.

கெளதம் கோயம்புத்தூரில் உள்ள தனியாா் பொறியியல் கல்லூரியில் பி.இ. மூன்றாம் ஆண்டு படித்து வந்தது குறிப்பிடத்தக்கது. இதுகுறித்து சிவகங்கை நகா் காவல் நிலைய உதவி ஆய்வாளா் சக்திவேல் வழக்குப் பதிந்து விசாரிக்கிறாா்.