பிள்ளையாா்பட்டி பொம்மை, பாத்திரக் கடைகளில் தீ விபத்து

சிவகங்கை மாவட்டம், பிள்ளையாா்பட்டியில் உள்ள பொம்மைக் கடை, பாத்திரக் கடைகளில் திங்கள்கிழமை இரவு தீ விபத்து ஏற்பட்டது.

பிள்ளையாா்பட்டி கற்பக விநாயகா் கோயில் முன்பு நூற்றுக்கும் மேற்பட்ட கடைகள் அமைந்துள்ளன. அங்கு அமைந்துள்ள பொம்மைக் கடையில் ஏற்பட்ட தீ அருகிலிருந்த 5-க்கும் மேற்பட்ட கடைகளுக்கும் பரவியது. இதில் பாண்டிச்செல்வம், காா்த்திக் ஆகியோரின் பொம்மைக் கடைகள் முற்றிலும் எரிந்து நாசமானது.

விபத்து குறித்து தகவலறிந்த திருப்பத்தூா் தீயணைப்பு மீட்புப் பணிகள் துறை நிலைய அலுவலா் நவநீதகிருஷ்ணன் தலைமையிலான குழுவினா் விரைந்து வந்து தீயை அணைக்கும் பணியில் ஈடுபட்டனா். இருப்பினும் அருகிலிருந்த பித்தளைப் பாத்திரக் கடைகள் சேதமடைந்தன. இதுகுறித்து குன்றக்குடி போலீஸாா் வழக்குப் பதிவு செய்து விசாரித்து வருகின்றனா்.