வீட்டின் பூட்டை உடைத்து பணம், வெள்ளி நகைகள் திருட்டு

திருப்புவனம் அருகே வீட்டின் பூட்டை உடைத்து உள்ளே புகுந்த மா்மநபா்கள் பணம், வெள்ளி, பித்தளைப் பொருள்களை திருடிச் சென்றனா்.

சிவகங்கை மாவட்டம், திருப்புவனம் அருகேயுள்ள மடப்புரம் கனகாம்பரம் மஹால் பகுதியில் வசித்து வருபவா் குருசாமி. இவா் தனியாா் நிதி நிறுவனத்தில் பணியாற்றி வருகிறாா்.

இந்த நிலையில் குருசாமியின் மாமனாா் இறந்துவிட்டதால், குடும்பத்தினருடன் துக்க நிகழ்ச்சியில் பங்கேற்பதற்காக அவா் வீட்டைப் பூட்டிவிட்டு மதுரைக்குச் சென்று விட்டாா். அப்போது மா்மநபா்கள் அங்கிருந்த கண்காணிப்பு கேமராக்களின் திசையை மாற்றி விட்டு, குருசாமி வீட்டின் முன்பக்க கதவை உடைத்து உள்ளே புகுந்தனா். அங்கு பீரோவிலிருந்த 28,500 ரூபாய், 21 கிலோ பித்தளை விளக்குகள், இரு வெள்ளி மோதிரங்களை திருடிக் கொண்டு தப்பினா்.

இதுகுறித்த புகாரின் பேரில், திருப்புவனம் போலீஸாா் சம்பவ இடத்துக்கு வந்து விசாரணை நடத்தினா். கைரேகை நிபுணா்கள், மோப்பநாய் வரவழைக்கப்பட்டு தடயங்கள் சேகரிக்கப்பட்டன. இதுகுறித்து போலீஸாா் வழக்குப் பதிந்து திருட்டில் ஈடுபட்ட மா்மநபா்களைத் தேடி வருகின்றனா்.