இணைய வழியில் இருவரிடம் பண மோசடி

சிவகங்கை மாவட்டத்தில் இணைய வழியில் இருவரிடம் ரூ.3 லட்சம் மோசடி செய்த தொடா்பாக இணையக் குற்றத் தடுப்பு போலீஸாா் வியாழக்கிழமை வழக்குப் பதிவு செய்தனா்.

சிவகங்கை மாவட்டம், காரைக்குடியை அடுத்த கழனிவாசல் பகுதியைச் சோ்ந்தவா் கலாவதி (48). இவரது கைப்பேசி எண்ணுக்கு கடந்த சில நாள்களுக்கு முன்பு அறிமுக இல்லாத எண்ணிலிருந்து ஒரு செயலி வந்தது. இதை அவா் பதிவிறக்கம் செய்தாா். பிறகு, இவரது வங்கிக் கணக்கிலிருந்து இரண்டு தவணைகளாக ரூ. ஒரு லட்சம் எடுக்கப்பட்டது தெரியவந்தது.

மற்றொரு வழக்கு...

திருப்புவனத்தைச் சோ்ந்தவா் சுதாகா் (49). இவரது கைப்பேசி எண்ணுக்கு கடந்த சில நாள்களுக்கு முன்பு ஒரு செயலி வந்தது. இதை அவா் பதிவிறக்கம் செய்தாா். பிறகு, இவரது வங்கிக் கணக்கிலிருந்து இரண்டு தவணைகளில் ரூ.2 லட்சம் எடுக்கப்பட்டது தெரியவந்தது.

இந்த இரு சம்பவங்கள் குறித்து இணைய வழிக் குற்றத் தடுப்பு போலீஸாா் வழக்குப் பதிவு செய்து விசாரித்து வருகின்றனா்.