சுற்றுப்புறச்சூழலை காப்பது மாணவர்களின் கடமை: ஆட்சியர்

சுற்றுப்புற சூழலை பாதுகாப்பது மாணவர்களின் கடமை எனதேனி மாவட்ட ஆட்சியர் ம.பல்லவி பல்தேவ் தெரிவித்தார்.
தேனி மாவட்டம் ராயப்பன்பட்டி சவரியப்ப உடையார் மேல்நிலைப்பள்ளியில் செவ்வாய்க்கிழமை நடைபெற்ற, உலக சுற்றுச் சூழல் தின விழாவில் தேனி மாவட்ட ஆட்சியர் ம.பல்லவி பல்தேவ் கலந்து கொண்டு பேசினார்.
தாளாளர் எம்.எஸ்.பிரபாகர் தலைமை வகித்தார். 
விழாவில் ஆட்சியர் பேசியது: சுற்றுப்புறச்சூழலை பாதுகாக்க வேண்டியது, மாணவ, மாணவியர்களின், தலையாய கடமையாகும், முதலில் தங்களது வீடுகள், தெருக்களில் இருந்து தொடங்க வேண்டும். பெற்றோர்கள், உறவினர்கள், நண்பர்களிடமிருந்து பணிகளை இன்றே தொடங்க வேண்டும், உலகிலேயே பெரிய விலங்கான திமிங்கலம் 20 பாலிதீன் பைகளை சாப்பிட்டால் இறக்கும் என்று சுற்றுச்சூழல் அறிஞர்கள் தெரிவிக்கின்றனர். சுற்றுச்சூழலை பாதுகாப்பது நமது  முதல் கடமை என்றார். 
பின்னர் அனைவரும் சுற்றுச்சூழல் உறுதிமொழி எடுத்துக்கொண்டனர். முன்னதாக பள்ளி வளாகத்தில் மாவட்ட ஆட்சியர் மரக்கன்றுகளை நட்டார்.