காளாஞ்சிப்பட்டி- ரங்கநாதர் கோயில் சாலையை சீரமைக்கக் கோரிக்கை

ஒட்டன்சத்திரம் அடுத்துள்ள காளாஞ்சிப்பட்டி- ஸ்ரீரங்கநாதர் கோயில் சாலையை சீரமைக்க பொதுமக்கள் கோரிக்கை விடுத்துள்ளனர்.
இக்கோவிலுக்கு திண்டுக்கல்- பழனி தேசிய நெடுஞ்சாலை சாலைப்புதூர் ரயில்வே சாலையை கடத்து செல்ல வேண்டும்.
இதனிடையே சாலைப்புதூரில் இருந்து ஸ்ரீரங்கநாதர் கோயிலுக்கு செல்லும் காளாஞ்சிப்பட்டி- ஸ்ரீரங்கநாதர் கோயில் சாலை பழுதடைந்து குண்டும், குழியுமாக காட்சி அளிக்கிறது.
இதனால் இருசக்கர வாகன ஓட்டிகளும், விளை பொருள்களை வாகனங்களில் கொண்டு செல்லும் விவசாயிகளும் அவதியடைந்து வருகின்றனர்.
எனவே சம்பந்தப்பட்ட அதிகாரிகள் உடனடியாக இச்சாலையை சீரமைக்க வேண்டும் என பொதுமக்கள் கோரிக்கை விடுத்துள்ளனர்.