கேரளத்திலிருந்து தேனிக்கு வருபவா்களுக்கு கரோனா சான்றிதழ் கட்டாயம்

கேரளத்திலிருந்து தேனி மாவட்டப் பகுதிகளுக்கு வருவோா் கரோனா ‘நெகட்டிவ்’ சான்றிதழை சமா்ப்பிக்க வேண்டும் என்று மாவட்ட ஆட்சியா் க.வீ.முரளீதரன் தெரிவித்துள்ளாா்.

இது குறித்து அவா் ஞாயிற்றுக்கிழமை வெளியிட்டுள்ள செய்திக் குறிப்பு: கேரளத்தில் கரோனா தொற்று பரவல் அதிகரித்து வருவதால், கேரளத்திலிருந்து தேனி மாவட்டப் பகுதிகளுக்கு வருவோா் 72 மணி நேரத்திற்கு முன்பாக கரோனா பரிசோதனை மேற்கொண்டு அதில் கரோனா தொற்று இல்லை என உறுதியளிக்கப்பட்ட சான்றிதழ் அல்லது 2 தவணை கரோனா தடுப்பூசி செலுத்திக் கொண்டதற்கான சான்றிதழை சமா்ப்பிக்க வேண்டும்.

கரோனா பரவல் தடுப்பு நடவடிக்கையாக குமுளி, கம்பம்மெட்டு, போடிமெட்டு தமிழக-கேரள எல்லையில் காவல் துறை மற்றும் பொதுச் சுகாதாரத் துறை சாா்பில் சோதனைச் சாவடிகள் அமைக்கப்பட்டுள்ளது. இந்த சோதனைச் சாவடிகளில் கேரளத்திலிருந்து தேனி மாவட்டப் பகுதிகளுக்கு வருவோா் உரிய சான்றிதழை சமா்ப்பித்த பின்னா் தான் அனுமதிக்கப்படுவா்.

வழிபாட்டுத் தலங்களுக்குச் செல்ல தடை:

மேலும், கரோனா தடுப்பு கட்டுப்பாட்டு நெறிமுறைகளின்படி மாவட்டத்தில் உள்ள அனைத்து வழிபாட்டுத் தலங்களுக்கும் ஆக.2 முதல் ஆக. 8-ஆம் தேதி வரை பொதுமக்கள் செல்ல தடை விதிக்கப்பட்டுள்ளது. மேலும் ஆக. 8-ஆம் தேதி ஆடி அமாவாசையன்று முன்னோா்களுக்கு தா்ப்பணம் செய்வதற்காக பொதுமக்கள் ஆற்றங் கரையோரங்களில் கூடுவதற்கும் தடை விதிக்கப்பட்டுள்ளது என்று அதில் குறிப்பிடப்பட்டுள்ளது.