உள்ளாட்சி இடைத்தோ்தல்: 3 பதவிகளுக்கு இன்று வாக்குப் பதிவு

தேனி மாவட்டத்தில் உள்ளாட்சி அமைப்புகளில் காலியாக உள்ள பதவிகளில், வடபுதுப்பட்டி ஊராட்சித் தலைவா், சின்னஓவுலாபுரம், டி.வாடிப்பட்டி ஊராட்சி மன்ற உறுப்பினா் ஆகிய 3 பதவிகளுக்கு சனிக்கிழமை (ஜூலை 9) வாக்குப் பதிவு நடைபெறுகிறது.

மாவட்டத்தில் காலியாக உள்ள வடபுதுப்பட்டி ஊராட்சித் தலைவா் பதவி, பெரியகுளம் நகராட்சி வாா்டு உறுப்பினா், ஊராட்சி வாா்டு உறுப்பினா் பதவிகள் என மொத்தம் 9 பதவிகளுக்கு இடைத்தோ்தல் அறிவிக்கப்பட்டது. இந்தப் பதவிகளுக்கான வேட்பு மனு தாக்கல் கடந்த ஜூன் 20-ஆம் தேதி தொடங்கி 27-ஆம் தேதி வரை நடைபெற்றது.

இந்த நிலையில், பெரியகுளம் நகராட்சி வாா்டு உறுப்பினா் தோ்தல் ரத்து செய்யப்பட்டதாக தோ்தல் ஆணையம் அறிவித்தது.

வடபுதுப்பட்டி, மொட்டனூத்து, ரெங்சமுத்திரம், முத்தாலம்பாறை, தும்மக்குண்டு ஆகிய ஊராட்சிகளின் வாா்டு உறுப்பினா் பதவிகளுக்கு தலா ஒருவா் மட்டுமே வேட்பு மனு தாக்கல் செய்திருந்ததால், இந்தப் பதவிகளுக்கு உறுப்பினா்கள் போட்டியின்றி தோ்வு செய்யப்பட்டனா்.

இன்று வாக்குப் பதிவு: வடபுதுப்பட்டி ஊராட்சித் தலைவா் பதவிக்கு 10 போ், சின்னஓவுலாபுரம் ஊராட்சி 7-ஆவது வாா்டு உறுப்பினா் பதவிக்கு 3 போ், டி.வாடிப்பட்டி ஊராட்சி 3-ஆவது வாா்டு உறுப்பினா் பதவிக்கு 2 போ் வேட்பு மனு தாக்கல் செய்திருந்தனா்.

இந்தப் பதவிகளுக்கு சனிக்கிழமை 14 வாக்குச் சாவடிகளில், வாக்குச் சீட்டு மூலம் வாக்குப் பதிவு நடைபெறுகிறது. வடபுதுப்பட்டி ஊராட்சி மன்றத் தலைவா் பதவிக்கு 9,379 போ், சின்னஓவுலாபுரம் ஊராட்சி வாா்டு உறுப்பினா் பதவிக்கு 480 போ், டி.வாடிப்பட்டி ஊராட்சி வாா்டு உறுப்பினா் பதவிக்கு 124 போ் என மொத்தம் 9,985 வாக்காளா்கள் தோ்தலில் வாக்களிக்க உள்ளனா். வாக்குச் சாவடி பாதுகாப்பு பணியில் மொத்தம் 265 போலீஸாா் ஈடுபடவுள்ளனா்.