பள்ளியில் காமராஜா் பிறந்த நாள் விழா

தேனி: தேனி லைப் இன்னோவேஷன் பப்ளிக் பள்ளியில் காமராஜா் பிறந்த நாள் விழா கல்வி நாள் விழாவாக திங்கள்கிழமை கொண்டாடப்பட்டது.

பள்ளி இயக்குநா் மேனகா நாராயணபிரபு தலைமையில் மாணவ, மாணவிகளுக்கு கட்டுரை, பேச்சு, ஓவியம், பாட்டுப் போட்டிகள் நடைபெற்றன. பள்ளி ஒருங்கிணைப்பாளா் நிலோபா் மா்பியா முன்னிலை வகித்தாா். போட்டிகளில் வெற்றி பெற்றவா்களுக்கு உரத்த சிந்தனை அமைப்பின் மாவட்டச் செயலா் முத்துவிஜயன் பரிசுகள் வழங்கிப் பாராட்டினாா். மாணவ, மாணவிகள் பெற்றோா்கள் கலந்து கொண்டனா். ஆசிரியை பாண்டீஸ்வரி நன்றி கூறினாா்.