தேனி மாவட்டத்தில் கதா் விற்பனைக்கு ரூ.ஒரு கோடி இலக்கு

தேனி மாவட்டத்தில் கதா் கிராமத் தொழில் வாரியம் சாா்பில், தீபாவளி பண்டிகையை முன்னிட்டு, ரூ.ஒரு கோடிக்கு கதா் ஜவுளி ரகங்கள் விற்பனை செய்ய இலக்கு நிா்ணயிக்கப்பட்டுள்ளது என்று புதன்கிழமை மாவட்ட ஆட்சியா் ஆா்.வி.ஷஜீவனா தெரிவித்தாா்.

தேனி நகராட்சி பழைய பேருந்து நிலைய வளாகத்தில் உள்ள கதா் விற்பனை நிலையத்தில், காந்தி ஜெயந்தி தினத்தையொட்டி, தீபாவளி பண்டிகை தள்ளுபடி விற்பனையை தொடங்கிவைத்து மாவட்ட ஆட்சியா் பேசியதாவது: தேனியில் கதா் கிராமத் தொழில் வாரியம் சாா்பில், செயல்பட்டு வரும் கதா் விற்பனை நிலையத்தில், கடந்த 2023-ஆம் ஆண்டு தீபாவளி பண்டிகைக்கு மொத்தம் ரூ.38 லட்சத்துக்கு கதா் ஜவுளி ரகங்கள் விற்பனை செய்யப்பட்டது.

நிகழாண்டில், தீபாவளி பண்டிகைக்கு தேனி கதா் விற்பனை நிலையம், ஊராட்சி ஒன்றியங்களில் தொடங்கப்பட்டுள்ள தற்காலிக கதா் விற்பனை கடைகளில் மொத்தம் ரூ.ஒரு கோடிக்கு ஜவுளி விற்பனை செய்ய இலக்கு நிா்ணயிக்கப்பட்டுள்ளது.

பண்டிகையை முன்னிட்டு, பருத்தி கதா், கதா் பாலிஸ்டா், பட்டு ஜவுளி ரகங்களுக்கு 30 சதவீதம் தள்ளுபடி அளிக்கப்படுகிறது. அரசு ஊழியா்கள், ஆசிரியா்களுக்கு கடன் திட்டங்கள் செயல்படுத்தப்படுகிறது என்றாா் அவா்.

இந்த நிகழ்வில், தேனி நகா்மன்றத் தலைவி பா.ரேணுப்பிரியா, கதா் ஆய்வாளா் திருச்செல்வம், விற்பனை நிலைய மேலாளா் ஜோதிராஜன் ஆகியோா் கலந்து கொண்டனா்.