எரிவாயு தேய்ப்பு பெட்டி பெற விண்ணப்பிக்கலாம்

தேனி மாவட்டத்தில் சலவை தொழில் செய்து வரும் பிற்பட்டோா், மிகவும் பிற்பட்டோா், சீா்மரபினா், சிறுபான்மையினா் அரசு சாா்பில் வழங்கப்படும் திரவ பெட்ரோலிய வாயு (எல்.பி.ஜி.) தேய்ப்பு பெட்டி பெற விண்ணப்பிக்கலாம் என அறிவிக்கப்பட்டது.

இதுகுறித்து மாவட்ட நிா்வாகம் வெளியிட்ட செய்திக் குறிப்பு: குடும்ப ஆண்டு வருமானம் ரூ. ஒரு லட்சத்துக்குள்பட்ட சலவை தொழில் செய்து வரும் பிற்பட்டோா், மிகவும் பிற்பட்டோா், சீா்மரபினா்,சிறுபான்மை சமுதாயத்தினரின் பொருளாதார மேம்பாட்டுக்காக அரசு சாா்பில் திரவ பெட்ரோலிய வாயு(எல்.பி.ஜி.) தேய்ப்பு பெட்டி வழங்கப்படுகிறது.

இதற்கான விண்ணப்பப் படிவத்தை தேனி மாவட்ட ஆட்சியா் அலுவலகத்தில் செயல்பட்டு வரும் மாவட்ட பிற்பட்டோா், சிறுபான்மையினா் நல அலுவலகத்தில் பெற்று விண்ணப்பிக்கலாம் என அதில் குறிப்பிடப்பட்டிருந்தது.