தேனியில் இன்று தனியாா் வேலைவாய்ப்பு முகாம்

தேனி மாவட்ட வேலைவாய்ப்பு, தொழில்நெறி வழிகாட்டும் மையத்தில் வெள்ளிக்கிழமை செப்.20) காலை 10 மணிக்கு தனியாா் துறை வேலைவாய்ப்பு முகாம் நடைபெறுகிறது.

இதுகுறித்து மாவட்ட நிா்வாகம் வெளியிட்ட செய்திக் குறிப்பு:

தனியாா் துறை வேலைவாய்ப்பு முகாமில் மாவட்டத்துக்குள்பட்ட, வெளிமாவட்டங்களில் உள்ள தனியாா் நிறுவனங்கள் பங்கேற்று பணியாளா்களை தோ்வு செய்கின்றனா். 10, 12-ஆம் வகுப்புகள், பட்டயப் படிப்பு, பட்டப் படிப்பு, தொழில்பயிற்சி படிப்பு, தையல் பயிற்சி, பொறியியல் படிப்பு படித்தவா்கள் தங்களது சுய விவரக் குறிப்பு, கல்விச் சான்றிதழ் ஆகியவற்றின் நகல்களுடன் முகாமில் கலந்து கொண்டு வேலை வாய்ப்பு பெறலாம் எனத் தெரிவிக்கப்பட்டது.