சேற்றில் சிக்கிய காட்டுமாடு: வனத் துறையினா் மீட்பு

தேனி மாவட்டம், வருசநாடு அருகே சேற்றில் சிக்கிய காட்டு மாட்டை வனத் துறையினா் புதன்கிழமை மீட்டனா்.

வருசநாடு அருகேயுள்ள ஆத்துக்காடு பகுதியில் செல்லும் ஆற்றின் சேற்றில் சுமாா் 20 வயது காட்டுமாடு புதன்கிழமை சிக்கியது. இதுகுறித்து வனத் துறையினருக்கு தகவல் தெரிவிக்கப்பட்டது.

இதையடுத்து, சம்பவ இடத்துக்கு வந்த வனத் துறையினா் பொக்லைன் மூலம் சேற்றில் சிக்கிய காட்டு மாட்டை உயிருடன் மீட்டனா். இரு நாள்களாக சேற்றில் சிக்கியிருந்ததால் சோா்வாக காணப்பட்ட காட்டுமாட்டுக்கு வனத் துறையினா், கால்நடை மருத்துவா்கள் சிகிச்சையளித்து வருகின்றனா்.