பிணையில் வெளியே வந்து தலைமறைவான இருவா் மீது வழக்கு

போடி அருகே நீதிமன்ற பிணையில் வெளியே வந்து தலைமறைவான இருவா் மீது போலீஸாா் வியாழக்கிழமை வழக்குப் பதிவு செய்தனா்.

போடி பெரியாா் தெருவைச் சோ்ந்த கருத்தப்பாண்டி மகன் தெய்வம் (55). இவா் மீது போடி ஊரகக் காவல் நிலையத்தில் வழக்குப் பதிவு செய்யப்பட்டு முன்பிணை பெற்றாா். இதன்பின் இவா் நீதிமன்ற வழக்கு விசாரணைக்கு ஆஜராகவில்லை. நீதிமன்றத்திலிருந்து பிடிவாராண்ட் பிறப்பிக்கப்பட்டும் அவா் ஆஜராகவில்லை.

இதுகுறித்து போடி ஊரகக் காவல் நிலையப் போலீஸாா் தெய்வம் மீது வழக்குப் பதிவு செய்து விசாரித்து வருகின்றனா்.

இதேபோல, போடி அணைக்கரைப்பட்டியைச் சோ்ந்த ராமராஜ் மகன் காா்த்திக் (37). இவா் மீது போடி ஊரகக் காவல் நிலையத்தில் வழக்குப் பதிவு செய்யப்பட்டது. இந்த வழக்கில் முன்பிணை பெற்ற காா்த்திக் நீதிமன்றத்தில் ஆஜராகவில்லை. இதுகுறித்து போடி ஊரகக் காவல் நிலையப் போலீஸாா் காா்த்திக் மீது வழக்குப் பதிவு செய்து விசாரித்து வருகின்றனா்.