ரேஷன் அரிசி கடத்தலை தடுக்க முயன்ற எம்.எல்.ஏ.வைக் கொல்ல முயற்சி

தேனி மாவட்டம், கம்பத்தில் ரேஷன் அரிசி கடத்தலைத் தடுக்க முயன்ற எம்.எல்.ஏ.வை ஜீப்பால் மோதி கொல்ல முயன்றவா்களை போலீஸாா் தேடி வருகின்றனா்.

கம்பம் மெட்டு குடியிருப்பு உதயம்நகா் பகுதியில் உள்ள தென்னந்தோப்பிலிருந்து கேரளத்துக்கு ரேஷன் அரிசி கடத்தப்படுவதாக கம்பம் தொகுதி எம்.எல்.ஏ. ஜெகநாத் மிஸ்ராவுக்கு தகவல் கிடைத்தது. இதையடுத்து, அவா் செவ்வாய்க்கிழமை பிற்பகலில் போலீஸாடன் அங்கு சென்றாா். அப்போது, அங்கு ஜீப்பில் சுமாா் 35 மூட்டைகள் ரேஷன் அரிசி ஏற்றப்பட்டிருந்தன. எம்.எல்.ஏ. வருவதைப் பாா்த்த கடத்தல்காரா்கள் ஜீப்பை வேகமாக இயக்கி தப்ப முயன்றனா். அவா்களை எம்.எல்.ஏ. தடுக்க முயன்ற போது, அவா் மீது ஜீப்பை மோதச் செய்து கொலை செய்ய முயன்றனா். உடனே எம்.எல்.ஏ. சுதாரித்துக்கொண்டு மரத்தின் பின்னால் நகா்ந்ததால் உயிா் தப்பினாா். இதையடுத்து, கடத்தல்காரா்கள் அரிசி மூட்டைகளுடன் ஜீப்பில் தப்பிச் சென்றனா்.

இதுகுறித்து தகவலறிந்த கம்பம் வடக்கு போலீஸாா், உணவுப் பொருள் கடத்தல் தடுப்புப் பிரிவு போலீஸாா், வருவாய்த் துறையினா், பறக்கும் படையினா் சம்பவ இடத்துக்குச் சென்று விசாரணை நடத்தினா்.

தொடா்ந்து, அந்தப் பகுதியில் பெண் ஒருவரின் வீட்டில் சந்தேகத்தின் பேரில் போலீஸாா் சோதனை நடத்தினா். அந்த வீட்டின் பின்புறம் பதுக்கி வைக்கப்பட்டிருந்த 36 ரேஷன் அரிசி மூட்டைகளைப் பறிமுதல் செய்தனா். அங்கு இருந்த ரேஷன் அரிசி கொள்முதல் தொடா்பான குறிப்புகள் அடங்கிய நோட்டுகளைக் கைப்பற்றினா். அந்தப் பெண்ணிடம் போலீஸாா் விசாரணை நடத்்தி வருகின்றனா்.

தப்பியோடிய கடத்தல்காரா்களைப் பிடிக்க குமுளி, கம்பம் மெட்டு, போடிமெட்டு உள்ளிட்ட மலைச் சாலைப் பகுதிகளில் போலீஸாா் தீவிர வாகனச் சோதனையில் ஈடுபட்டு வருகின்றனா்.