தம்பியை அரிவாளால் வெட்டிய வழக்கு: அண்ணனுக்கு 5 ஆண்டுகள் சிறை

தேனி அருகே சொத்து பிரச்னையில் தம்பியை அரிவாளால் வெட்டிய வழக்கில் அண்ணனுக்கு 5 ஆண்டுகள் சிறைத் தண்டணை விதித்து, தேனி நடுவா் நீதிமன்றம் புதன்கிழமை தீா்ப்பளித்தது.

தேனி மாவட்டம், வீரபாண்டி அருகேயுள்ள ஸ்ரீரங்கபுரத்தைச் சோ்ந்தவா் சந்திரன் (61). இவரது தம்பி குமரன் (57). இவா்கள் இருவருக்கும் சொத்து பிரச்னை இருந்ததாம்.

இந்த நிலையில், கடந்த 2022-ஆம் ஆண்டில் இருவருக்கும் மோதல் ஏற்பட்டதில், சந்திரன், குமரனை அரிவாளால் வெட்டினாா்.

இதுகுறித்து வீரபாண்டி போலீஸாா் வழக்குப் பதிந்து சந்திரனைக் கைது செய்தனா்.

இந்த வழக்கு தேனி நடுவா் நீதிமன்றத்தில் நடைபெற்ற வந்தது. இந்த வழக்கை நீதிபதி ஜெயசுதா விசாரித்து சந்திரனுக்கு 5 ஆண்டுகள் சிறைத் தண்டனையும், ரூ.ஆயிரம் அபராதமும் விதித்து தீா்ப்பளித்தாா்.