சிறந்த மாணவர் கூட்டுறவு பண்டக சாலை: ஸ்ரீவில்லிபுத்தூர் இந்து மேல்நிலைப் பள்ளி தேர்வு

மாநில அளவில் தொடர்ந்து 5-வது ஆண்டாக சிறந்த மாணவர் கூட்டுறவு பண்டகசாலையாக ஸ்ரீவில்லிபுத்தூர், ஜி.எஸ்.இந்து மேல்நிலைப் பள்ளி மாணவர் கூட்டுறவு பண்டகசாலை தேர்வு செய்யப்பட்டு கேடயம் வழங்கப்பட்டுள்ளது.

இதற்கான பாராட்டு விழா பள்ளியில், செயலாளர் டி.ஏ.எஸ்.ராமஸ்வாமி தலைமையில் நடைபெற்றது. தலைமை ஆசிரியர் எஸ்.ராஜூ வரவேற்றார்.

மாவட்ட துணைப் பதிவாளர் கே.ஜி.ஜானகிராமன், மாநில அளவில் தொடர்ந்து 5-வது ஆண்டாக முதலிடம் பெற்ற ஜி.எஸ். இந்து மேல்நிலைப் பள்ளி மாணவர் கூட்டுறவு பண்டகசாலையை பாராட்டி கேடயம் வழங்கினார்.

உதவித் தலைமை ஆசிரியர்கள் எல்.சங்கரநாராயணன், டி.பொன்னியின் செல்வன் ஆகியோர் வாழ்த்துரை வழங்கினர்.

பண்டகசாலையின் செயலரும், உதவித் தலைமை ஆசிரியருமான கே.ஆறுமுப்பெருமாள் நன்றி கூறினார்.