தங்கம் தென்னரசுக்கு திமுகவினர் வாழ்த்து

திமுக தலைமைக் கழகம் நிர்வாக வசதிக்காக, விருதுநகர் மாவட்டத்தை வடக்கு, தெற்கு என இரண்டு மாவட்டங்களாகப் பிரித்து, இரண்டு மாவட்டச் செயலாளர்களை நியமித்துள்ளது.

விருதுநகர் வடக்கு மாவட்டச் செயலாளராக தங்கம் தென்னரசும், தெற்கு மாவட்ட செயலாளராக சாத்தூர் ராமச்சந்திரன் நியமிக்கப்பட்டுள்ளனர். இதனையடுத்து தங்கம் தென்னரசுவை காரியாபட்டி கிழக்கு ஒன்றிய செயலாளர் செல்லம், மேற்கு ஒன்றிய செயலாளர் கண்ணன், நரிக்குடி ஒன்றிய செயலாளர்கள் போஸ், கண்ணன், முன்னாள் ஒன்றிய செயலாளர் சண்முகசாமி, நகர செயலாளர் செந்தில், மல்லாங்கிணர் பேரூராட்சி தலைவர் நாகையா உள்ளிட்ட கட்சிப் பிரமுகர்கள் சந்தித்து வாழ்த்துத் தெரிவித்தனர்.