காரியாபட்டி பகுதியில் நாளை முதல் ஜமாபந்தி

 காரியாபட்டி பகுதி உள்வட்ட கிராமங்களில், ஜூன் 11 முதல் 19 வரை ஜமாபந்தி நடைபெற உள்ளது.

ஜூன் 11-இல், கல்குறிச்சி உள்வட்டத்தில் உள்ள பந்தனேந்தல், ஜோகில்பட்டி, வக்கணாங்குண்டு, கரிசல்குளம், கல்குறிச்சி, தண்டியனேந்தல், பாம்பாட்டி, புளியம்பட்டி, சித்துமூன்றடைப்பு, தோணுகால், தோப்பூர் ஆகிய கிராமங்களுக்கான தணிக்கை நடைபெறும். 12-இல், காரியாபட்டி உள்வட்டம், காரியாபட்டி, குரண்டி, முஷ்டக்குறிச்சி, பாப்பணம், அரசகுளம், ஆவியூர், வி.நாங்கூர், கடமங்குளம் ஆகிய கிராமங்களுக்கும், 13-இல், காரியாபட்டி உள்வட்டம் மாங்குளம், கம்பிக்குடி, கல்லுபட்டி, கள்ளங்குளம், அரியனேந்தல், நெடுங்குளம், சத்திரம்புளியங்குளம், ஆண்மைபெருக்கி, அல்லாளப்பேரி கிராமங்களுக்கும், 17-இல் முடுக்கன்குளம் உள்வட்டம் டி.வேப்பங்குளம், தொட்டியங்குளம், மறைக்குளம், முடுக்கன்குளம், கிழவனேரி, சூரனூர் ஆகிய கிராமங்களுக்கும் ஜமாபந்தி நடைபெறும்.

ஜூன் 18-இல், முடுக்கன்குளம் உள்வட்டம் துலுக்கன்குளம், கம்பாளி, தேனூர், பனிக்குறிப்பு, சொக்கனேந்தல், தாமரைக்குளம், கூவர்குளம், காரைக்குளம், டி.செட்டிகுளம், காஞ்சிரங்குளம், இசலிமடை உள்ளிட்ட கிராமங்களுக்கும், 19-இல், மல்லாங்கிணர் உள்வட்டம் பிசிண்டி, மாந்தோப்பு, அச்சங்குளம், அழகியநல்லூர், நந்திக்குண்டு, மல்லாங்கிணர், வரலொட்டி, வலுக்கலொட்டி ஆகிய கிராமங்களுக்கான ஜமாபந்தி நடைபெறும். இதில், பொதுமக்கள், தங்களது கோரிக்கைகளை மனுவாக கொடுத்து பயன்பெறலாம் என, காரியாபட்டி வட்டாட்சியர் பொன்ராமர் தெரிவித்துள்ளார்.