தந்தை இறந்த துக்கத்தில் மகன் தீக்குளித்து சாவு

சிவகாசியில் தந்தை இறந்த துக்கத்தில் தீக்குளித்த மகன் சிகிச்சை பலனின்றி வியாழக்கிழமை இறந்தார்.
   சிவகாசி சிவகாமிபுரம் பகுதியைச் சேர்ந்த கூலித்தொழிலாளி கூடலிங்கம் (26). இவரது தந்தை மூர்த்தி கடந்த ஜூலை 22 ஆம் தேதி மின்சாரம் தாக்கி உயிரிழந்தார். இதனால் கூடலிங்கம் மன உளைச்சலில் இருந்ததாகக் கூறப்படுகிறது. 
     இந்நிலையில் அவர் கடந்த 27 ஆம் தேதி தனது உடலில் மண்ணெண்ணெய் ஊற்றி தீ வைத்துக் கொண்டார். பலத்த காயமடைந்த அவர், சிவகாசி அரசு மருத்துவமனையில் அனுமதிக்கப்பட்டு சிகிச்சை பலனின்றி வியாழக்கிழமை உயிரிழந்தார். இது குறித்த புகாரின் பேரில் சிவகாசி கிழக்கு போலீஸார் வழக்குப்பதிவு செய்து விசாரணை நடத்தி வருகின்றனர்.