ராஜபாளையத்தில் மணிமேகலை மன்றத்தின் 60 ஆம் ஆண்டு விழா ஞாயிற்றுக்கிழமை நடைபெற்றது.
விழாவில் மன்றத்தின் நிர்வாகி கோபால்சாமி தலைமை வகித்தார். மணிமேகலை மன்றத்தின் 60 ஆம் ஆண்டு விழா மலரை டாக்டர் கணேசன் வெளியிட அதனை ராம்கோ குழும மேலாளர் ராஜ்குமார் பெற்றுக் கொண்டார். சிறப்பு விருந்தினராக எழுத்தாளர் ஸ்டாலின் குணசேகரன் கலந்து கொண்டு பேசியது: ஒரு அமைப்பை நடத்துவது என்பது சாதாரணமான காரியமல்ல. அதுவும் 60 ஆண்டு காலம் நடத்தி மணிவிழா காண்பது என்பது மிகவும் பாராட்டத்தக்கது. மீனாட்சி சுந்தரம் பிள்ளை, ஜெயகாந்தன் என பல்வேறு இலக்கியவாதிகள் ஏறிய மேடை இது. மேலும் விடுதலைப் போராட்டத்தில் ராஜபாளையத்தின் பங்கு மகத்தானது என்றார். மேலும் பி.எஸ். குமாரசாமி ராஜா, அரங்கசாமி ராஜாவை பற்றியும், கோதண்டம் ஆகியோரையும் சிறப்பித்தும் பாராட்டினார்.
மேலும் ஆறு தமிழ் எழுத்தாளர்களுக்கு ரூ.5000 வீதம் விருது அளிக்கப்பட்டது. மேலும் 12 எழுத்தாளர்களுக்கு பாராட்டு விருது வழங்கியும், 8 இலக்கிய சிற்றிதழ்களுக்கு பாராட்டு விருது வழங்கி கௌரவிக்கப்பட்டது. முன்னதாக தலைவர் கோ.மா.கோதண்டம் வரவேற்றார். வி.கே.பீமராஜா நன்றி கூறினார். விழா ஏற்பாடுகளை குறளமுதன் செய்திருந்தார்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
தொடர்புடையது

மகா யுத்தம்... தமிழில் பதிவிட்ட ஃபிஃபா கால்பந்து உலகக் கோப்பை!

குழந்தைகளைத் தனியார் பள்ளிகளில் சேர்த்தால் அரசின் நலத்திட்டங்கள் கிடையாது: கிராம ஊராட்சிகள் அதிரடி

திருப்பரங்குன்றம் விவகாரம்: தமிழ்நாடு அரசின் அறிவிப்பு வரவேற்கத்தக்கது - பெ. சண்முகம்





