விருதுநகரில் அஞ்சலக ஊழியர்கள் உண்ணாவிரதம்

விருதுநகர் தலைமை அஞ்சலகம் அருகே பல்வேறு கோரிக்கைகளை வலியுறுத்தி அனைத்திந்திய அஞ்சலக ஊழியர் சங்கத்தினர் புதன்கிழமை உண்ணாவிரதப் போராட்டம் நடத்தினர்.
 இப்போராட்டத்துக்கு கோட்டத் தலைவர் சண்முகநாதன் தலைமை வகித்தார். இதில், கமலேஷ் சந்திரா கமிட்டியின் பரிந்துரைகளை உடனடியாக அமல்படுத்த வேண்டும்.
 ஜிடிஎஸ் ஊழியர் சங்க உறுப்பினர்கள் எண்ணிக்கை சரிபார்ப்பு முடிவுகளை வெளியிட வேண்டும் என்பன உள்ளிட்ட பல்வேறு கோரிக்கைகளை வலியுறுத்தினர்.
 இப்போராட்டத்தில் அஞ்சலக ஊழியர்கள் சங்கங்களின் மூன்றாம் பிரிவு, தபால்காரர், பன்திறன் ஊழியர், கிராம அஞ்சல் ஊழியர்கள் உள்பட ஏராளமானோர் கலந்து கொண்டனர்.