விருதுநகா் மாவட்ட 8 அம்மா உணவகங்களில் இலவச உணவு வழங்க ரூ. 8.60 லட்சம் அதிமுக நிதி

விருதுநகா்: விருதுநகா் மாவட்டத்தில் உள்ள 8 அம்மா உணவகங்களில் 3 வேளையும் இலவச உணவு வழங்க ரூ. 8. 60 லட்சத்தை அதிமுக சாா்பில் அமைச்சா் கே. டி. ராஜேந்திர பாலாஜி, மாவட்ட ஆட்சியா் ரா. கண்ணனிடம் புதன்கிழமை இரவு வழங்கினாா்.

ஊரடங்கு உத்தரவு காரணமாக விருதுநகா் மாவட்டத்தில் ஏழைகள், மாற்றுத் திறனாளிகள், தினக்கூலி பணியாளா்கள், வெளிமாநிலத் தொழிலாளா்கள் உணவின்றி சிரமப்படக் கூடாது என்பதற்காக இந்த நடவடிக்கை எடுக்கப்பட்டது. இதுகுறித்து அமைச்சா் கே.டி. ராஜேந்திர பாலாஜி கூறுகையில், மே 3 ஆம் தேதி வரை மூன்று வேளை இலவச உணவு வழங்க வேண்டும் என்ற நோக்கத்திலும், சம்பந்தப்பட்ட அம்மா உணகங்களுக்கு தலா ரூ. 78 ஆயிரம் வீதம் பிரித்தும் வழங்கப்படும் என்றாா்.